«Qazaq tilin biletinimdi maqtan etemin»

PETROPAVL. 28 sáýir. Soltústik óńirde kóptegen etnostardyń turatyny belgili. Bıylǵy Prezıdent saılaýynda oblys halqy bir kisideı daýys berip, osynaý saıası sharanyń laıyqty deńgeıde ótýine qomaqty úles qosty. Bul týraly egemen.kz tilshisi habarlady. Qazir oblysta memlekettik tildi erkin meńgergen ózge ult ókilderi de jeterlik. Solardyń biri - «Qazaqtelekom» AQ oblystyq fılıalynyń mamany Elena Kosenkova saılaýda alǵashylardyń biri bolyp daýys bergenin, óıtkeni, elimizdiń bolashaǵyna nemquraıly qaraı almaıtynyn aıtty. «Qazaqstan – ortaq Otanymyz!  О́skeleń urpaq osylaı túsinedi. Onyń gúldenýi, qaryshtaýy árbirimizdiń irgeli isimizge, nyq senimimizge, durys tańdaý jasaýymyzǵa baılanysty. Biz eńseli elimizge ıe bolatyn óz Prezıdentimizdi tańdadyq!  Saılaý nátıjesi–eliniń erteńin oılaǵan kemeldiktiń kemeńgerine degen eń joǵary senimi.  Bul – «Máńgilik El» murattaryna murattaryna nurly jolmen barýdy maqsat etken qazaqstandyqtardyń jeńisi.  Táýelsizdigimizdi tuǵyrly etip, damýdyń dańǵyl jolyna shyǵarǵan tulǵaǵa halyq seniminiń kórsetilýi–zańdylyq. Men irgesi berik, yntymaǵy jarasqan Qazaqstan azamaty ekenimdi maqtan etemin. Men úshin Qazaqstannan artyq meken joq.  Qazaq halqynyń  qunarly tilin erkin meńgerý arqyly mádenıetine, tarıhı qundylyqtaryna boılaı túsý armanyma  jetkenimdi maqtan etemin», - deıdi ol. Onyń aıtýynsha, Qazaqstan búginde burynǵy keńestik keńistiktegi eldermen  qatar álemdik qaýymdastyq úshin etnostar dostyǵynyń úlgisine aınaldy. Bul rette Elbasynyń eńbegi orasan ekeni daýsyz. Birlik pen turaqtylyq joq jerde jarqyn da kemel bolashaq joq ekenin soǵys órti sharpyǵan, ultaralyq qıkiljińder tyıylmaı otyrǵan memleketter tirligi dálel. «О́z zamanynda jerlesimiz, uly aqyn Maǵjan Jumabaev: Men senemin jastarǵa, Alash atyn aspanǵa. Shyǵarar olar bir tańda, Men jastarǵa senemin! – dep órenderge zor senim artqan bolsa, Tuńǵysh Prezıdentimiz de bizden eldiń bolashaǵy retinde úlken úmit kútedi. Jastardyń bilim alyp, óz kásipterin dóńgeletýge de, otbasyn quryp, turǵyn úıge ıe bolýǵa  mol múmkindigi bar», - deıdi ol. О́mir Esqalı. Derek, sýret: egemen.kz