Stenford ýnıversıtetiniń professory Ilıa Strebýlaev jáne tehnologııalar men sıfrlyq strategııa boıynsha keńesshi Aleks Dangtyń birlesip jazǵan «Venchýrlik oılaý júıesi» atty bestselleri qazaq tiline aýdaryldy.
Kitapty qazaq tiline aýdarý ıdeıasyn BYB capital basqarýshy seriktesi Asqar Bilisbekov usyndy.
«Biz qazaqtildi aýdıtorııanyń venchýrlik salaǵa qyzyǵýshylyq tanytyp jumys istegisi keletinin kórip otyrmyz, biraq qazaq tilinde mundaı aqparat jetispeýshiliginen ol múmkin bolmaı otyr. Bizdiń bastamamyz tek startapshylar men kásipkerlerge ǵana emes, jalpy kópshilikke de múmkindik beredi», dedi Bilisbekov.
Kitapta ınvestorlar men kásipkerlerge bıznesti tabysty transformasııalaý jolynda durys sheshim qabyldaýǵa kómektesetin 9 qaǵıda kórsetilgen. Avtorlar Amazon jáne McKinsey sekildi kompanııalardaǵy venchýrlyq kapıtalısterdiń oılaý júıesi men mehanızmderi tabysty bıznes qurýǵa qalaı yqpal etetinin kóp jyldar boıy zerttegen.
«Venchýrlik oılaý júıesi: sanaly túrde bás tigý arqyly orasan zor tabysqa qalaı jetýge bolady» kitaby BYB capital men «Sábı» qorynyń negizin qalaýshylary Kenes Raqyshev, Ásel Tasmaǵambetova jáne basqarýshy seriktes Asqar Bilisbekovtiń qatysýymen ótti. Kitap solardyń qoldaýymen jaryq kórdi. Is-sharaǵa, sonymen qatar, Sıfrlyq damý, ınnovasııalar jáne aeroǵarysh ónerkásibi mınıstri Jaslan Mádıev te qatysty.
Jaslan Mádıev venchýrlik ınvestısııalar naryǵyn damytý maqsatynda arnaıy keńes qurýdy usyndy. Onyń aıasynda jyl saıyn venchýrlik ınvestorlar, memleket ókilderi, qarjy sektory, startaptar men qorlardyń qatysýymen arnaıy jınalys ótedi. Mınıstr bul is-shara Almatyda ótetin Ortalyq Azııa venchýrlik forýmynyń aldyndaǵy mańyzdy jıynǵa aınalatyndyǵyna senim bildirdi. Oǵan qosa, 15 aımaqtyq habty paıdalaný arqyly qazaq tilindegi tehnıkalyq ádebıetti nasıhattaýǵa bolatyndyǵyn jetkizdi.
«Venchýrlyq naryqqa biz úlken mán berip otyrmyz, sondyqtan mınıstrlik retinde osy ekojúıeniń damýyna jaqsy jaǵdaı jasaýǵa tyrysyp jatyrmyz. Biz áli de kóptegen jumysty retteý, yntalandyrý jáne jańa ınstıtýsıonaldyq ınvestorlardy tartý arqyly atqarýymyz qajet. Bul mańyzdy bastamalar osy salany ilgeriletýge baǵyttalady», dedi mınıstr.
Sondaı-aq Jaslan Mádıev prezentasııa barysynda úsh usynys aıtty. Birinshiden, ol Digital Nomads qaýymdastyǵyn qazaq tilinde tehnıkalyq ádebıetti damytýǵa belsene qatysýǵa shaqyrdy. Mınıstrdiń aıtýynsha, sheteldik tehnologııalyq kompanııalarda jumys isteıtin otandyq mamandar tehnıkalyq termınderdi durys aýdaryp, olardy qazaq tiline beıimdeýde aıtarlyqtaı úles qosa alady.
Ekinshi usynysy – venchýrlyq ınvestısııalardy damytý boıynsha keńes qurý. Bul keńes venchýrlyq ınvestorlar, memleket ókilderi, qarjy sektory, startaptar men qorlar, sondaı-aq óńir elderiniń ókilderiniń qatysýymen jyl saıyn jınalystar ótkizýi kerek. Mınıstr bul is-sharanyń Almatyda ótetin Ortalyq Azııa venchýrlyq forýmynyń aldynda dástúrli is-sharaǵa aınalatynyn aıtty.
Úshinshi usynys - Astana Hub ınfraqurylymyn tehnıkalyq ádebıetti tanymal etý úshin paıdalaný.
«Bizde óńirlerde 15 hab bar, olardy bul materıaldardy ýnıversıtetter arqyly taratý úshin qoldanýǵa bolady», dedi mınıstr.
Sondaı-aq Mazmundama jobasynyń avtory Shyńǵys Muqannyń aıtýynsha, bul kitap alǵashqy bolyp qazaq jáne koreı tilderine ǵana aýdaryldy.
Kitap Mazmundama baspasynan taralymy 2000 danamen shyqty. Bestseller marketpleısterde satylymǵa shyqty.
