Aqtóbede «Qarý» aksııasynyń birinshi kúni 32 quqyq buzýshylyq anyqtaldy

AQTО́BE. 28 qańtar. Oblystaǵy jedel jaǵdaıdy saýyqtyrý, atys qarýyn, jarylǵysh zattardy qoldaný arqyly jasalatyn qylmystardy ashý jáne eskertý maqsatynda ústimizdegi jylǵy 26 qańtar men 20 aqpan aralyǵynda oblystyq ishki ister departamenti «Qarý» jedel-profılaktıkalyq is-sharasyn ótkizýde. Bul týraly egemen.kz tilshisi habarlady. Aksııa barysynda zańsyz aınalymdaǵy atys qarýlaryn, oq-dárilerdi, jarylǵysh zattardy, tirkelmegen qarýlardy anyqtaý jáne alý júzege asyrylýda. Sonymen qatar, qalada, eldi mekenderde, aýyl aımaqtarda, sondaı-aq jeke qojalyqtarda azamattardan  zańsyz aınalymnan atys qarýlaryn, oq-dárilerdi, jarylǵysh zattardy anyqtaý jáne alý reıdtik is-sharalary júrgizilip jatyr. Qarý ıeleri turǵylyqty jeri boıynsha tekserilip, olardyń qarýdy paıdalaný, ustaý jáne saqtaý talaptaryn oryndaýy tekserilýde. «Qarý» jedel-profılaktıkalyq is-sharasynyń birinshi kúni aqtóbelik polıseıler 32 ákimshilik quqyq buzýshylyqty anyqtady, onyń ishinde 23-i azamattyq qarýdy saqtaý merzimin jáne erejesin buzǵandar, 8-i azamattyq qarýdy tirkeý (qaıta tirkeý) tártibin buzǵan, 1-i azamattyq qarýdy zańsyz saqtaǵan. Barlyq anyqtalǵan derekter boıynsha zań talaptary múltiksiz oryndalyp, quqyq buzýshylardan qarýlar men oq-dáriler tárkilenip ákimshilik jaýapkershilikke tartyldy. Aksııa jalǵasýda. Satybaldy Sáýirbaı. Derek: egemen.kz. Sýret: cripo.com.