Qostanaıda halyqaralyq pikirsaıys ótti

QOSTANAI. 28 qańtar. A.Baıtursynov atyndaǵy Qostanaı memlekettik ýnıversıtetinde Qazaq handyǵy taqyrybyna arnalǵan IH halyqaralyq pikirsaıys ótti. Oǵan respýblıkadaǵy joǵary oqý oryndary stýdentterimen qatar, kórshi reseılik jastar da qatysty. Bul týraly egemen.kz tilshisi habarlady. Rektor júldesi úshin Qazaq handyǵynyń 550 jyldyǵyna arnalǵan debat óte qyzyqty boldy. Ádette, tarıh taqyryby bilimdi jastar úshin qashan da tartysty, ári bilim deńgeıin kórsetýge jaqsy múmkindik te bolyp tabylady. Ýnıversıtet qabyrǵasynda ótken halyqaralyq saıys osy turǵydan alǵanda óte tartysty ótti. Úsh kúnge sozylǵan pikirsaıys jeksenbi kúni keshtetip, aıaqtaldy. Uıymdastyrýshylarǵa saǵat keshki 17-00-ge belgilengen saltanatty marapattaý rásimin keshki 19-30-ǵa jyljytýǵa týra keldi. Bilim jáne sheshendik saıysynyń qorytyndysynda, qazaq lıgasy boıynsha birinshi oryndy astanalyq Bekarystan Amanjolov jáne qaraǵandylyq Abaı Otarbaev aldy. Ekinshi oryndy Kókshetaý qalasynan kelgen Asqar Káken jáne Ádilet Senbi (Qazaqstan quramasy) ıelendi. Úshinshi oryn taǵy da astanalyqtar qanjyǵasyna baılandy, ıaǵnı Juldyz Júnisova jáne Baýyrjan Áshirálige berildi. Al orys lıgasy boıynsha birinshi oryndy astanalyqtar Mádına Qabdýalıeva jáne Ińkár Aıtqojına aldy. Ekinshi oryndy da astanalyqtar – Maksım Isakov jáne Arman Abdraıymov, al úshinshi oryndy kókshetaýlyqtar Dıdar Qadyrov jáne Nursultan Tóleýbaev ıelendi. Názıra Járimbetova. Derek, sýret: egemen.kz.