Foto: freepik.com
«Respýblıka boıynsha aldaǵy jylytý maýsymyna shamamen 12 myń avtonomdy qazandyq daıyndyq jumystarynan ótti. Avtonomdy qazandyqtar qajetti kómirmen 93%, mazýtpen 99% jáne dızel otynymen 90% qamtamasyz etildi», dedi mınıstr.
Búginde bilim berý jáne densaýlyq saqtaý nysandary men turǵyn úıler jylytý maýsymyna tolyqtaı daıyn.
Kommýnaldyq turmystyq qajettilikke jáne halyqtyń paıdalanýyna arnalǵan kómirge qajettilik 8,2 mln tonnany quraıdy. Jylytý maýsymy bastalǵaly beri shamamen 3 mln tonna jetkizildi.
Qanat Sharlapaev búgingi tańda elimizdiń kómir tuıyqtaryndaǵy túrli markadaǵy otyn qory shamamen 577 myń tonnany quraıtynyn, bul ótken jylmen salystyrǵanda 100 myń tonnaǵa artyq ekenin atap ótti.
Jalpy, mınıstrlik tarapynan óńirlerdi kómirmen qamtamasyz etý boıynsha turaqty monıtorıng júrgizilip jatyr. Qazaqstan temir joly men kómir óndirýshi kásiporyndar kómirdiń qajetti kólemin jetkizýge ázir.
Áleýmettik kómirdiń elden tys jerlerge shyǵarylýyn boldyrmaý maqsatynda kómir eksportyna lısenzııa berýdi kózdeıtin Úkimet qaýlysy qabyldandy.
Budan bólek, deldaldardyń jumysyn boldyrmaý maqsatynda, kómirdi satýdy bırjaǵa shyǵarý boıynsha jumystar júrgizilip jatyr.
Soltústik, ortalyq jáne shyǵys óńirlerde jylytý maýsymy bastalyp, halyq tarapynan kómir satyp alý belsendi túrde júrip jatyr. Al ońtústik jáne ońtústik-shyǵys óńirlerde halyqtyń kómirdi satyp alýy boıynsha aqparattandyrý jumystaryn belsendetý qajet.
Barlyq óńirlerde jylytý maýsymy josparǵa sáıkes bastalyp jatyr jáne jóndeý jumystary jylý berý bastalǵanǵa deıin aıaqtalady.
