ASTANA. 28 qańtar. Evrochellendj týrnıri aıasynda «Astana» basketbol komandasy belgııalyq «Okapı Alstarǵa» 108:85 esebimen jol berdi. Bul týraly egemen.kz habarlady.
Belgııada ótken oıynda alań ıeleri tórt kezeńde de basym boldy. Alǵashqy shırekte «Astana» sapyndaǵy Djerrı Djonson, Djeıkovan Braýn syndy oıynshylar belsendi bolǵanymen, qarsylastar 28:22 esebimen kezeńdi óz paıdalaryna aıaqtady.
Esesine, ekinshi kezeńde bizdiń sportshylar belgııalyqtarǵa laıyqty qarsylyq kórsetti. Soǵan sáıkes, bul shırekte «Astana» qarsylastarynan nebári bir upaı qalyp qoıdy (20:19). Degenmen, qos kezeń qorytyndysy boıynsha «Okapı Alstar» 48:41 esebimen utyp jatqan edi.
Úlken úzilisten keıin qarsylasymyz qarqynyn kúsheıtip, kezeń sońynda 16 upaıǵa uzap ketti (79:63). Sheshýshi shırekte «Astananyń» bas bapkeri Aleksandr Trıfýnovıch oıyndy qutqaryp qalý maqsatynda ártúrli taktıkalyq tásilderdi qoldanyp kórdi. Ásirese, Djerrı Djonsonǵa kóp senim artyldy. Sebebi, ol buǵan deıin Belgııanyń «Charler» komandasynda oınaǵan bolatyn. Iаǵnı, buryn «Okapı Alstarǵa» qarsy san márte oınap, atalǵan komandanyń oıyn órnegine ábden qanyq. Alaıda, Djerrıdiń áreketteri esh nátıje bermeı, alań ıeleri aıqyn basymdyqpen jeńiske jetti.
Oıyn barysynda eń kóp upaı jıǵan oıynshy belgııalyq komanda sapyndaǵy Loana Tofı. Ol 40 mınýt ishinde enshisine 27 upaı jazǵan eken. Al «Astana» sapyndaǵy eń mergen oıynshy 16 upaı jıǵan Rashıd Mahalbashıch.
Bul jeńisinen keıin «Okapı Alstar» 5 upaımen «I» tobynda kósh bastady. Tórt upaıy bar «Astana» ázirge ekinshi orynda keledi. Degenmen, 3 jáne 4-oryndarda turǵan rýmynııalyq «Energııa Rovınarı» men ıtalııalyq «Brındızı» komandalarynda bizden bir oıyn kem. Eki oıynnan ótkizgen olardyń qorjyndarynda búginde 3 upaıdan bar.
«Astana» atalmysh týrnır aıasyndaǵy kelesi oıyndy 10 aqpan kúni óz alańynda ótkizedi. «Saryarqa» respýblıkalyq velotreginde ótetin sol oıynda bizdiń qarsylas «Brındızı» komandasy bolmaq.
Elaman Qońyr.
Derek: egemen.kz.
Sýret: bcastana.kz.
ASTANA. 28 qańtar. Evrochellendj týrnıri aıasynda «Astana» basketbol komandasy belgııalyq «Okapı Alstarǵa» 108:85 esebimen jol berdi. Bul týraly egemen.kz habarlady.
Belgııada ótken oıynda alań ıeleri tórt kezeńde de basym boldy. Alǵashqy shırekte «Astana» sapyndaǵy Djerrı Djonson, Djeıkovan Braýn syndy oıynshylar belsendi bolǵanymen, qarsylastar 28:22 esebimen kezeńdi óz paıdalaryna aıaqtady.
Esesine, ekinshi kezeńde bizdiń sportshylar belgııalyqtarǵa laıyqty qarsylyq kórsetti. Soǵan sáıkes, bul shırekte «Astana» qarsylastarynan nebári bir upaı qalyp qoıdy (20:19). Degenmen, qos kezeń qorytyndysy boıynsha «Okapı Alstar» 48:41 esebimen utyp jatqan edi.
Úlken úzilisten keıin qarsylasymyz qarqynyn kúsheıtip, kezeń sońynda 16 upaıǵa uzap ketti (79:63). Sheshýshi shırekte «Astananyń» bas bapkeri Aleksandr Trıfýnovıch oıyndy qutqaryp qalý maqsatynda ártúrli taktıkalyq tásilderdi qoldanyp kórdi. Ásirese, Djerrı Djonsonǵa kóp senim artyldy. Sebebi, ol buǵan deıin Belgııanyń «Charler» komandasynda oınaǵan bolatyn. Iаǵnı, buryn «Okapı Alstarǵa» qarsy san márte oınap, atalǵan komandanyń oıyn órnegine ábden qanyq. Alaıda, Djerrıdiń áreketteri esh nátıje bermeı, alań ıeleri aıqyn basymdyqpen jeńiske jetti.
Oıyn barysynda eń kóp upaı jıǵan oıynshy belgııalyq komanda sapyndaǵy Loana Tofı. Ol 40 mınýt ishinde enshisine 27 upaı jazǵan eken. Al «Astana» sapyndaǵy eń mergen oıynshy 16 upaı jıǵan Rashıd Mahalbashıch.
Bul jeńisinen keıin «Okapı Alstar» 5 upaımen «I» tobynda kósh bastady. Tórt upaıy bar «Astana» ázirge ekinshi orynda keledi. Degenmen, 3 jáne 4-oryndarda turǵan rýmynııalyq «Energııa Rovınarı» men ıtalııalyq «Brındızı» komandalarynda bizden bir oıyn kem. Eki oıynnan ótkizgen olardyń qorjyndarynda búginde 3 upaıdan bar.
«Astana» atalmysh týrnır aıasyndaǵy kelesi oıyndy 10 aqpan kúni óz alańynda ótkizedi. «Saryarqa» respýblıkalyq velotreginde ótetin sol oıynda bizdiń qarsylas «Brındızı» komandasy bolmaq.
Elaman Qońyr.
Derek: egemen.kz.
Sýret: bcastana.kz.
