Foto: Ashyq derekkóz
Aıta keteıik, buryn osy laýazymdy atqarǵan Almas Chýkın 2024 jylǵy 6 qyrkúıekte óz ókilettigin toqtatqan edi. Keńestiń jańa quramy 15 músheden turady.
Sondaı-aq otyrysta jekeshelendirý prosesiniń ádisnamalyq negizin jetildirý máseleleri men «Tarıfti ınvestısııaǵa aıyrbastaý» baǵdarlamasynyń iske asyrý barysy qaralǵan.
UEM Memlekettik aktıvterdi basqarý saıasaty departamentiniń dırektory Jadyra Temirbaeva memlekettik aktıvterdi basqarý salasyndaǵy ózekti máselelerdiń biri jekeshelendirý prosesiniń ádisnamalyq negizin jetildirý ekenin atap ótti.
«Memleket jeke sektormen básekege túspeýi kerek, osyny eskere otyryp, ekonomıkany yryqtandyrý sheńberinde memlekettiń kásipkerlik qyzmetke qatysýynyń tujyrymdamalyq tásilderi aıqyndaldy, Ulttyq jekeshelendirý keńsesi quryldy, onyń mindeti - jekeshelendirýge jatatyn memlekettik aktıvterdiń tizbesin qalyptastyrý», dedi Jadyra Temirbaeva.
Al UEM Tabıǵı monopolııalardy retteý komıteti tóraǵasynyń orynbasary Mıras Zeripbaev Ulttyq ekonomıka mınıstrligi 2023 jyldan bastap salalyq memlekettik organdarmen jáne ákimdiktermen birlesip iske asyryp kele jatqan «Tarıfti ınvestısııaǵa aıyrbastaý» baǵdarlamasynyń iske asyrylý barysy týraly baıandaǵan.
«Baǵdarlama salaǵa jańa ınvestısııalardy yntalandyrý arqyly kommýnaldyq ınfraqurylymdy jańartýǵa baǵyttalǵan. Jańa tarıftik saıasatty júzege asyrý 2029 jylǵa deıin jalǵasady. Bul rette biz túpkilikti tutynýshylar úshin tarıfterdiń kúrt kóterilýine jol bermeýdiń barlyq sharalaryn qoldanyp jatyrmyz», dedi ol.
Jalpy, 2023 jyly 267 mlrd teńge ınvestısııa tartylǵan. 5,8 myń km ınjenerlik jeli jóndelip, jelilerdiń tozýy 3,2%-ǵa tómendegen.
2024 jylǵa 6,5 km ınjenerlik jelilerdi jańǵyrtý úshin shamamen 336,3 mlrd teńge ınvestısııa tartý kózdelip otyr, bul tozý deńgeıin taǵy 3%-ǵa tómendetýge múmkindik beredi dep josparlanǵan.
