Foto: Aqorda
Ashhabad áýejaıynda Túrikmenstanǵa resmı saparmen barǵan Memleket basshysy Qasym-Jomart Toqaevty saltanatty qarsy alý rásimi ótti.
Qurmet qaraýylynyń bastyǵy raport bergennen keıin eki eldiń ánurandary oryndaldy.
Sapar aıasynda Qasym-Jomart Toqaev pen Serdar Berdimuhamedov kelissóz júrgizedi. Sondaı-aq Prezıdent Ashhabadtaǵy Abaı Qunanbaıulynyń eskertkishin ashyp, «Dáýirler men órkenıetter baılanysy – beıbitshilik pen damýdyń negizi» atty halyqaralyq forýmǵa qatysady.