Bul týraly ákimdiktiń baspasóz qyzmeti habarlady.
«Almaty oblysynyń ákimdigi baspanasyn órt shalǵan Sh. Bolattyń otbasyna turǵyn úıdi qalpyna keltirýge kómektesetin boldy. Sonymen qatar olarǵa jóndeý jumystary aıaqtalǵansha ýaqytsha baspana beriledi», delingen oblystyq ákimditiń habarlamasynda.
Eske salaıyq, 4 qazanǵa qaraǵan túni Talǵarda azyq-túlik dúkeni janynda janjal bolyp, sonyń saldarynan 16 jastaǵy jasóspirim pyshaq jaraqatynan qaza taýyp, taǵy eki adam jaraqat alǵan edi. Atalǵan oqıǵaǵa qatysty 7 adam qamaýǵa alyndy.
Kóz jumǵan jasóspirimniń týystary aıtyp ótkendeı, olarǵa shabýyl jasaǵan qarýly toptyń quramynda 13 adam bolǵan. Al búgin, ıaǵnı 12 qazanda túnde belgisiz bireýler marqumnyń týystary turatyn úıdi órtep jibergen. Bas prokýratýra órt oqıǵasyna qatysty isti jeke baqylaýǵa alǵanyn málimdedi.
