El úshin Elbasynyń jeńisi erekshe mańyzdy

Elbasynyń baspasóz qyzmeti prezıdenttik saılaýdaǵy Nursultan Nazarbaevtyń jeńisine baılanysty kelip túsken hattar men jedelhattar týraly habarlady. Qazaqstan Prezıdenti atyna shetel memleketteri men úki­metteri basshylarynan, qazaq­standyq jáne sheteldik túrli uıym­dar jetekshilerinen kópte­gen hattar kelip tústi. Avtorlar eldi budan ári qaraı tabysty da­mytyp, bedelin nyǵaıtý, bar­lyq qazaqstandyqtardyń ál-aýqatynyń artýyn qamtamasyz etý úshin Nursultan Nazarbaevtyń jeńisi mańyzdy ekenin atap ótken. Vengrııa Prezıdenti Iа.Ader óz quttyqtaýynda Qazaqstan Ven­grııanyń Ortalyq Azııa óńirindegi strategııalyq seriktesi ekenine toqtalǵan. «Saıasat, ekonomıka, mádenıet jáne bilim berý salasyndaǵy biz­diń baılanystarymyzdyń sońǵy jyldary burynǵydan da qar­qyndy bola túskeni úshin rııa­syz qýanyshtymyn. Bizdiń yn­ty­maqtastyǵymyzdy tereńdete túsý jolynda bar kúsh-jigerimdi jumsaıtynyma sendiremin», – delingen jedelhatta. Bosnııa jáne Gersegovına prezıdıýmynyń tóraǵasy M.Iva­nıch Nursultan Nazarbaevtyń jeńisi eldi tıimdi basqarýǵa baılanysty halyq seniminiń jo­ǵary ekenin aıǵaqtaǵanyna nazar aýdardy. Germanııanyń burynǵy Fe­de­raldyq prezıdenti H.Keler Qazaqstan Nursultan Nazar­baev­tyń basshylyǵymen qazirgi kezdegi syn-qaterlerge qaramastan, eko­nomıkalyq reformalar men demokratııalyq jańǵyrý úderi­sin zor qýatpen jáne jańasha ji­germen jalǵastyratynyna senim bildirgen. «Bul oraıda Siz meni árdaıym ózińizdi qoldaıtyn burynǵy árip­tesińiz ári dosyńyz retinde qaras­tyrýyńyzǵa bolady», – dep jazady avtor. Germanııanyń burynǵy Fede­raldyq kansleri G.Shreder de quttyqtaý joldap, Qazaqstan Nur­sultan Nazarbaevtyń prezı­dent­tigi kezinde tańdanarlyq tabys­tarǵa jetkenin jáne halyqaralyq qoǵamdastyqtyń asa qurmetti ári tanymal qatysýshysyna aı­nal­ǵanyn atap ótken. «Siz Qazaqstan men Germanııa qarym-qatynastarynyń da sońǵy 20 jylda keremet damýyna ǵalamat úles qostyńyz jáne Sizdiń el Germanııa úshin óńirdegi mańyzdy serikteske aınaldy», – delingen quttyqtaýda. Reseı Federasııasy Fede­raldyq Jınalysy Memlekettik Dýmasynyń depýtaty, KSRO ha­lyq ártisi I.Kobzon jyly lebizdi quttyqtaýyn joldady. «Men Qazaqstan azamat­tary­nyń tańdaýy durys ekenine kú­mándanbaımyn. Sizdi kóp jyldan beri bilemin jáne Sizdiń danalyǵyńyz ben kásibıligińizge tamsanýmen kelemin», – dep jazady I.Kobzon. Avtor, sondaı-aq, Qazaqstan Prezıdentine myqty densaýlyq jáne barlyq bastamalaryna tabys tileıdi. «Itera» halyqaralyq kompanııalar tobynyń prezıdenti I.Makarov saılaýdaǵy búkil­ha­lyqtyq daýys berý qorytyn­dylary Qazaqstan Prezıdentine jáne onyń júrgizip otyrǵan saıa­satyna degen senimniń joǵary ekenin taǵy dáleldegenin atap ótken. «Jańa dáýirdegi Qazaq­stan­nyń mańyzdy tarıhı jań­ǵy­rýlarynyń barlyǵy Sizdiń esi­mińizben baılanysty. Azamattar Sizdiń qyzmetińizdiń nátıjesin – eldiń qarqyndy damýyn, áleý­mettik saladaǵy belsendi ilge­rileýin, turmys deńgeıi men azamattardyń ál-aýqatyna qatysty qamqorlyqtyń ulǵaıýyn laıyqty baǵalaıdy. Sizdiń qaıta saılanýyńyz Qazaqstan Respýblıkasy úshin taǵdyrsheshti mańyzǵa ıe ekenine senimdimiz jáne bul turaqtylyq pen Sizdiń tamasha elińizdiń ilgerileý men órkendeý jolyndaǵy júıeli qadamynyń negizgi faktory bolyp sanalady», – delingen hatta. Reseılik Global Venture Alliance kompanııasynyń prezı­denti M.Mýsaev bizdiń respýblıka ótken jyldar ishinde álemdegi eń qarqyndy damýshy elderdiń biri­ne aınalǵanyna, ekonomıka men áleýmettik salada zor jetis­tik­terge jetkenine nazar aýdarǵan. «Siz kóregendikpen jáne da­nalyqpen ınnovasııalyq damýǵa, iri ınvestısııalar tartýǵa, álem­dik sanattaǵy bilikti kadrlar kor­pýsyn qalyptastyrýǵa baǵdar ustadyńyz», – dep jazady avtor. «Aq jol» demokratııalyq par­tııasynyń tóraǵasy A.Perýashev Nursultan Nazarbaevtyń aıqyn jeńisi Memleket basshysynyń bastamasymen júzege asyp jatqan ekonomıkalyq jáne de­mo­kratııalyq jańǵyrý­lardy Qazaq­stan halqy qoldaıtyn­dyǵynyń aıǵaǵy ekenin atap ótken. «Saılaý barysynda júzege asqan halyq tańdaýy ındýstrııalandyrý baǵdarlamasyn tabysty júzege asyrýdyń, otandyq ekonomıka men bıznesti álemniń jetekshi elderi deńgeıine shyǵarýdyń, árbir otbasynyń turmys deńgeıin aıtarlyqtaı kóterýdiń kepili bolatynyna senimdimin», – delingen quttyqtaýda. Bokstan kásipqoılar ara­syn­daǵy álem chempıony G. Golovkın óz jedelhatynda Nursultan Nazarbaevtyń daýsyz ári aıqyn jeńisi qazaqstandyqtardyń óz eliniń bolashaǵy jolyndaǵy tutastyǵyn, birligi men kelisimin pash etkenin atap aıtqan. «Ýaqytymnyń kóbin shetelde ótkize júrip, ózge memleketterdiń azamattary bizdiń elge qandaı qurmetpen qaraıtynyn kóremin. Mıllıondaǵan otandastarymnyń qatarynda men de turaqtylyq, órkendeý jáne elimizdiń ulttyq ıdealdary úshin daýys berdim. Kelesi jekpe-jegime daıyndyǵym ótip jatqan AQSh-ta júrip, men óz daýysymdy Sizge berdim», – dep jazady avtor. G.Golovkın, sondaı-aq, kásibı rıngtegi jeńisterimen otan­dastarymyzdy budan ári de qýantyp, Qazaqstanǵa barlyq álem chempıon­dary belbeýlerin ákelý úshin bar kúshin salatynyn da atap aıtqan. Opera ánshisi M.Mýdrıak Mem­leket basshysynyń prezıdenttik saılaýda jeńetinine senimdi bolǵanyn aıtady. «Siz maǵan ómirge joldama berdińiz. Meniń jetken jetis­tik­terimniń bári Sizdiń turaqty qol­daýyńyzdyń arqasynda múmkin boldy», – dep jazady avtor. «KAZKA» Qazaqstan kásip­ker­leri qaýymdastyǵynyń músheleri daýys berý qorytyndylary Memleket basshysynyń otandas­tary aldyndaǵy bıik bedelin jáne eńbeginiń moıyndalýyn, sondaı-aq, Qazaqstannyń da­mýyndaǵy ózekti mindetterdi she­­shýdegi tabystaryn aıǵaqtaı­tynyn atap kórsetken. Petropavl qalasyndaǵy «Tanoıl» JShS jumysshylary Memleket basshysyn saılaýdaǵy aıqyn jeńisimen quttyqtap, saılaýshylardyń belsendiligi men Nursultan Nazarbaevqa berilgen daýystardyń sany Elbasy degen ataqqa laıyqtylyǵynyń dáleli ekenin aıtqan. «Sońǵy on jylda búkil Qa­zaq­stan boıynsha shaǵyn jáne orta kásipkerliktiń kópte­gen sýbektileri ashyldy. Kásip­ker­likti qoldaýǵa el bıýdjetinen orasan qarajat bólinip, bıýro­kratııalyq kedergiler joıylýda. Biz Qazaqstanymyzdyń senimdi qolda ekenine shúbálanbaımyz», – delingen quttyqtaýda. Qaraǵandy memlekettik teh­nıkalyq ýnıversıtetiniń ujymy otandas­tarymyz saılaýda el bas­shy­lyǵyn taǵy da Nursultan Nazar­baevqa senip tapsyrǵanyna toqtalǵan. «Sizge óz taǵdyryn senip tap­syrǵan Qazaqstan halqy basta­malaryńyzdy qoldaıdy jáne el aldyna qoıylǵan aýqymdy maqsattarǵa jetý úshin jumyla jumys isteıtin bolady», – dep jazady avtorlar. M.H.Dýlatı atyndaǵy Taraz memlekettik ýnıversıtetiniń oqy­týshy-professorlar qu­ra­my men stýdentteri óz quttyqtaýlarynda Qazaqstannyń táýelsizdik jyldary qıyndyqtardy tabysty eńsere otyryp, búkil álem moıyndaǵan bedeldi elge aınalǵanyn aıtqan. Uly Otan soǵysy ardager­leriniń respýblıkalyq keńe­siniń músheleri Nursultan Nazar­baevtyń prezıdenttik saılaýdaǵy jeńisi onyń eńbeginiń moıyndalýy men búkil Qazaqstan halqy seniminiń kórinisi bolyp tabylatynyn jazǵan. «Bizdiń qazaqstandyqtar soǵys maıdandarynda jeńisti shyńdady. Siz beıbit ýaqytta jeńisti shyńdadyńyz. Ol da óte mańyzdy. О́ıtkeni, bul – bizdiń balalarymyz ben nemerelerimizdiń bolashaǵy. Bul – qazaqstandyq saıasattyń saltanaty, el bolashaǵynyń tabysy», – delingen quttyqtaýda. Ońtústik Qazaqstan oblysy­nyń ardagerleri men zııaly qaýym ókilderi Memleket basshysy usynǵan «Qazaqstan-2050» Strategııasyn tıimdi júzege asyrý elimizdiń álemdegi damyǵan 30 memlekettiń qataryna qosylýyn qamtamasyz etetinine, al «Nurly Jol» baǵdarlamasy álemdik ekonomıka damýyndaǵy kúrdeli kezeńdi eńserýge múmkindik beretinine senimdilik bildirgen. Qazaqstan halqy Assam­bleıa­synyń músheleri ótken saılaýda eldi batyl alǵa bastap kele jat­qan óz kóshbasshysyna daýys berý arqyly tarıhı tańdaý jasaǵanyn atap ótken. «Qazaqstandyqtar bolashaq aldyndaǵy jaýapkershilikti, el men halyqtyń bıik múddesin seziný turǵysynan sheshim qabyldap, ózderiniń azamattyq jáne pat­rıottyq paryzyn oryndady. Biz Sizdiń basshylyǵyńyzben Qazaq­stannyń óz damýyndaǵy barlyq maqsattaryna jetip, baqýatty ári órkendegen eldiń úlgisine aınalatynyna nyq senimdimiz», – dep jazady avtorlar. Qazaqstan halqy Assam­bleıa­synyń atynan saılanǵan Parla­ment Májilisiniń depýtattary saı­laý nátıjeleri eldiń ishki jáne syrt­qy saıasattaǵy daýsyz ta­bys­taryna negizdelgenine toqtalǵan. «Sizdiń jeńisińiz – Qazaq­stan­nyń álemdegi damyǵan 30 eldiń qataryna qosylý baǵytyndaǵy taǵy bir kezeńi, bul – bizdiń Máń­gilik El bolý jolyndaǵy tabysty ilgerileýimiz», – delingen hatta. Qazaqstan halqy As­sam­bleıasynyń XXII sessııa­syna qatysýshylar osy shara to­le­rant­tylyq, dostyq jáne baýyr­lastyq ıdeıasy Qazaqstan halqynyń eń basty qundylyqtary bolyp qala beretinin nyq senimmen dálel­degenin atap ótken. «Sizdiń qarapaıym muǵalimge, sportshyǵa, áıel-anaǵa, ardager aqsaqalǵa degen qamqor kóńilińiz bizdiń bárimizge adamzatty súıýdiń, danalyqtyń jáne adamdarǵa, ortaq tarıhymyzǵa degen qamqorlyqtyń úlgisin kórsetti. Qazaqstan halqy saılaýda óz daýystaryn tatýlyqqa, dostyq pen kelisimge berý arqyly kóshbasshysyna degen joǵary qurmetin pash etti», – dep jazady avtorlar. «Meniń Qazaqstanym» poıyzy aksııasyna qatysýshylar óz hatynda 30 kún ishinde búkil el boıynsha 29 eldi mekende bol­ǵandaryn, is-sharalarǵa 920 myń­nan astam qazaqstandyq qatys­qanyn aıtady. Avtorlar elde júrgizilip jatqan saıasatqa qatysty halyq tarapynan kórsetilgen qoldaý respýblıkamyzdy odan ári ilgeriletý úshin qosymsha qýat beretinine nazar aýdarǵan. Qazaqstan halqy Assambleıasy janyndaǵy «Jarasym» respýb­lıkalyq jastar uıymynyń ókilderi eldiń júıeli damyp kele jatqanyn maqtan tutatynyn jáne onyń kúsh-qýatyn nyǵaıtý isine belsene qatysýǵa nıetti ekenin jazady. «Biz bárimiz birtutas otbasy retinde tatýlyq pen keli­sim­de ómir súrip jatyrmyz. Kóshbas­shymyzdyń arqasynda Qazaq­stan zor múmkindikter men zor bola­shaqtyń eline aınaldy. Biz óz elimizdi súıemiz, óz Prezıden­timizdi jaqsy kóremiz jáne oǵan senemiz», – delingen quttyqtaýda. «Masıs» Qazaqstan armıandary qoǵamynyń, Qazaqstan dún­gen­deri qoǵamynyń, Qazaqstan uıǵyr­larynyń respýblıkalyq etno­mádenı birlestiginiń ókilderi de Memleket basshysynyń atyna quttyqtaý joldaǵan. Astana men Almaty qalalary­nyń, sondaı-aq, barlyq óńirdiń etnomádenı birlestikteriniń músheleri de prezıdenttik saı­laýdyń nátıjelerine qatysty pikirlerin bildirgen. Sonymen qatar, Qazaqstannyń Eńbek Eri, halyq jazýshysy Á.Kekil­baevtan, «Qazaq tili» halyq­aralyq qoǵamynyń prezı­denti О́.Aıtbaevtan, aqyn A.Mu­qı­bekten, Qazaqstan halqy Assam­bleıasynyń múshesi S.Vıshnıaktan, «Jas Otan» jastar qanatynyń mú­shesi R.Mýsınadan, Qaraǵandy qalasynan S.Áýbákirulynan, Tal­dyqorǵan qalasynan Álim­bolanovtar otbasynan Nursultan Nazarbaevtyń jeńisine baılanysty óz quttyqtaýlaryn jáne qoldaýyn bildirgen hattar kelip tústi.