Foto: gov.kz
Eńbek jáne halyqty áleýmettik qorǵaý mınıstrligi qyrkúıek aıynda 525,9 myń otbasyǵa 35,2 mlrd teńge járdemaqy berilgenin atap ótti.
Bul memlekettik járdemaqyǵa birge turatyn 4 jáne odan da kóp kámeletke tolmaǵan nemese 23 jasqa deıingi kúndizgi bólimde oqıtyn stýdent balalary bar otbasylar tabysyna qaramastan úmitker bola alady.
Tólem mólsheri bala sanyna qaraı eseptelip, tólenedi. 2024 jyly ár 4 baladan kóp otbasyǵa myna sýmmadan aı saıyn úlestirilgen:
- 4 balasy bar otbasylarǵa – 16,03 AEK nemese 59 183 teńge;
- 5 balaǵa – 20,04 AEK nemese 73 988 teńge;
- 6 balaǵa – 24,05 AEK nemese 88 793 teńge;
- 7 balaǵa – 28,06 AEK nemese 103 598 teńge;
- 8 jáne odan da kóp balasy bar otbasylarǵa – árbir balaǵa 4 AEK nemese 14 768 teńge mólsherinde tólenedi.
Aıta keteıik, 2024 jylǵy 1 qańtardan bastap kópbalaly otbasylarǵa taǵaıyndalatyn memlekettik járdemaqylardyń mólsheri 7%-ǵa artty.
Bıyl kópbalaly otbasylarǵa memlekettik járdemaqy tóleýge 474 mlrd teńge qarastyrylǵan.
