Foto: dalanews.kz
Tergelgen qarjy pıramıdalary alaıaqtyq shemalary arqyly 21,5 myńǵa jýyq salymshyny aldap soqqan. Olardan 12 mlrd teńge óndirilgen.
Máselen, Almatyda «HitBeatMusic» qarjy pıramıdasyn qurý jáne basqarý faktisi boıynsha sotqa deıingi tergeý aıaqtaldy.
Alaıaqtar ózderin kanadalyq kompanııanyń aksıoneri jáne ıesi retinde tanystyryp, mýzykalyq ınvestısııalyq joba qyzmetine is júzinde qatysy joq kompanııanyń aksııalaryn satýmen aınalysqan.
Osylaısha, salymshylardyń qarajatyn tartyp, engizilgen somanyń 10-nan 15%-na deıin paıdasyn ýáde etken. Bul alaıaqtyq top salymshylarǵa 255 mln teńge kóleminde zalal keltirgen.
Sot úkimimen «HitBeatMusic» qarjy pıramıdasyn qurǵandar kináli dep tanylyp, 5 jyldan 6 jylǵa deıingi merzimge bas bostandyǵynan aıyryldy.
Agenttik qarjy pıramıdalarynyń belgileri bar 10,5 myńnan asa saıt siltemelerin buǵattaǵan. Sondaı-aq «WhatsApp», «Telegram» jáne «Instagram»-da 292 chat buǵattalǵan. Osylaısha, 2 mln-nan astam áleýetti salymshylardyń qarjylyq shyǵyndarynyń aldyn aldy.
«Qarjy pıramıdalaryna qarsy is-qımyl» arnaıy jobasy júzege asyryla bastaǵannan beri «Qnet», «World Business Consulting», «Finiko» «Antares»/«Antares Trade», «Sincere Systems Group»/«S-Group», «Hermes LTD», «Life is good», «Chia Tai Tianding»/«Chia Tai Pharmaceutical» «Energy Eolus Oazqstan»/«Eolus» sııaqty elde jumys isteıtin qarjy pıramıdalarynyń qurylymdyq bólimsheleriniń uıymdastyrýshylary jaýapkershilikke tartyldy.
