Oljas Bektenov Memleket basshysynyń tapsyrmalaryn júzege asyrý aıasynda ekonomıkany ártaraptandyrý sharalary kúsheıtilgenin atap ótti:
– esepti kezeńde shıkizattyq emes sektordy damytý nátıjesinde ishki jalpy ónimniń ósimi 4 paıyzdy quraǵan. Eń joǵary ósimdi aýyl sharýashylyǵy (11,4%), qurylys (10,1%), kólik (8%), baılanys (6,4%), saýda (6,3%), óńdeý ónerkásibi (4,8%) salalary kórsetken. 14 óńirde óńdeý ónerkásibindegi óndiris kólemi artqan;
– bıylǵy qańtar-tamyz aılarynda syrtqy taýar aınalymy 91,7 mıllıard dollardy quraǵan, onyń ishinde eksporttyń úlesi 3,3 paıyzǵa kóbeıgen. Oń saýda balansy 34,8 paıyzǵa ósip, 15,4 mıllıard dollarǵa jetken;
– el bıýdjetine 14,9 trıllıon teńge túsken.
Úkimet basshysy sonymen qatar zańsyz ıelengen aktıvterdi qaıtarý jónindegi tapsyrmalarynyń oryndalý barysyna toqtaldy:
– Jyl basynan beri komıssııa 450 mıllıard teńgege jýyq aktıvterdi qaıtarý jónindegi kelisimderdi maquldaǵan; – búginde memleketke 265 mıllıard teńgeni quraıtyn aktıvter, sonyń ishinde aqshalaı 177 mıllıard teńge qaıtarylǵan. Barlyq qaıtarylǵan qarajat áleýmettik mańyzy zor jobalarǵa jumsalyp jatyr;
– «Zańsyz ıemdenilgen aktıvterdi memleketke qaıtarý týraly» Zańnyń sýbektileri birqatar jobalardy, atap aıtqanda, muqtaj adamdardy ońaltý jáne áleýmettendirý baǵdarlamalaryn, mádenı-bilim berý ortalyǵy men sporttyq manej qurylysyn qarjylandyrýdy bastaǵan;
Islamabadta ótken Shanhaı yntymaqtastyq uıymyna múshe memleketterdiń Úkimet basshylary keńesi otyrysynyń qorytyndysy jóninde baıandady.
Prezıdent Úkimettiń jumysyn jandandyrý qajet ekenin atap ótti. Bul rette el ekonomıkasyn ártaraptandyrý arqyly onyń turaqty ósimin qamtamasyz etý, shaǵyn jáne orta bıznesti qoldaý, agroónerkásip kesheninde ınnovasııany damytý, iri ındýstrıaldyq jáne ınfraqurylymdyq jobalardy júzege asyrý sharalaryn jalǵastyrýdy tapsyrdy.
