Foto: Artem Chýrsınov
Is-sharaǵa Ulybrıtanııadaǵy Anglıkan qaýymdastyǵy bas hatshysynyń orynbasary Djo Beılı Ýells, Islamabad ıslam ýnıversıtetiniń Islam ǵylymı-zertteý ınstıtýtynyń dırektory, professor Muhammed Zııa-ýl-Haq, Úndistandaǵy «Somaııa Vıdıavıhar» ınstıtýtynyń konfessııaaralyq qarym-qatynas jáne ózara túsinistik baǵdalamasynyń hatshysy Rýdraksha Sakrıkar, Dúnıejúzilik býddıster qaýymdastyǵynyń ókili, doktor Arıfın Iаma, sonymen qatar elimizdegi memlekettik organdar men dinı birlestik ókilderi qatysty.
Konferensııa aıasynda yntymaqtastyq pen rýhanı kelisimdi nyǵaıtý, qazirgi almaǵaıyp zamanda túrli etnostyq toptar men konfessııa ókilderi arasynda toleranttylyq qaǵıdattaryn ilgeriletip, turaqtylyq hám adamı qundylyqtardy saqtaý máseleleri talqylandy.
N.Nazarbaev ortalyǵy Basqarma tóraǵasynyń mindetin atqarýshy D.Esenova:
«Memleket basshysy Qasym-Jomart Toqaev: «Bizdiń basty baılyǵymyz – bereke men birlik, turaqtylyq pen tynyshtyq, beıbitshilik pen kelisim» dedi. Qazaqstan jahandyq ózgerister men qaıshylyqtardyń qıyn kezeńderinde rýhanı kelisim ıdeıasyn qýatty kúshke aınaldyra bilgen álemdegi alǵashqy memleketterdiń biri» dep atap ótti.
Al Djo Beılı Ýells: «Bizdiń álemge rýhanı úılesimdilik pen túrli kózqaras ıeleriniń birige jumystaný múmkindigi kerek. Álem «orkestriniń» músheleri bar jáne olar túrli dybys shyǵaratyn aspaptar tartady. Qudaı aspan men jerdi jaratqanda, osy úılesim úshin jaratqan».
