Qarajatty paıdalanýǵa baqylaý kúsheıtilsin

Memleket basshysy Nursultan Nazarbaev Respýblıkalyq bıýdjettiń atqarylýyn baqylaý jónindegi esep komıtetiniń tóraǵasy Qozy-Kórpesh Jańbyrshındi qabyldady, dep habarlady Prezıdenttiń baspasóz qyzmeti. Esep komıtetiniń tóraǵasy Elbasyna vedomstvonyń 2014 jylǵy jumysynyń negizgi qo­rytyndylary men aldaǵy kezeń­ge arnalǵan mindetteri týraly ­baıandady. Kezdesý barysynda Qazaqstan Prezıdentine respýblıkalyq bıýdjettiń atqarylýynyń qo­ry­tyndylary, qarajatty jos­parlaý jáne paıdalaný kezinde únemi anyqtalyp júrgen prob­lemalar men kemshilikter týraly ­aıtyldy. Esep komıteti byltyr 298 nysanda 3,1 trıllıon teńge mólsherindegi qarajatty qamtıtyn 25 baqylaý is-sharasyn júrgizdi. Anyqtalǵan zań buzýshylyqtyń jalpy kólemi 716 mıllıard teńgeni qurady, respýblıkalyq bıýdjetke 75 mıllıard teńgeden astam qarajat qaıtaryldy. Tekserýler men baqylaý-taldaý sharalarynyń nátıjesi boıynsha Úkimetke, memlekettik organdarǵa jáne kvazımemlekettik sektor sýbektilerine 312 usynym men tapsyrma joldandy. Sonymen qatar, Q.Jańbyrshın oblystardyń, Astana jáne Alma­ty qalalary revızııalyq ko­mıs­sııalarynyń 2014 jylǵy ju­mysynyń negizgi qorytyn­dylary týraly baıandady. Memleket basshysy respýb­lı­kalyq bıýdjet pen Ulttyq qor qarajatynyń tıimdi ári ońtaıly paıdalanylýyna baqylaýdy kúsheıtýdiń, sondaı-aq, «Nurly Jol» Jańa Ekonomıkalyq Saıasatyn júzege asyrý barysyna qarjylyq tártipti nyǵaıtýdyń mańyzdylyǵyn atap aıtty. Kezdesý qorytyndysy boıynsha Qazaqstan Prezıdenti memlekettik qarjylyq baqylaý organdary qyzmetin jetildirý jóninde birqatar naqty tapsyrma berdi.