Sottar aldynda soqtaly mindetter tur

Elbasy Nursultan Nazarbaev Joǵarǵy Sot Tóraǵasy Qaırat Mámıdi qabyldady, dep habarlady Prezıdenttiń baspasóz qyzmeti. Q.Mámı Memleket basshysyna sottardyń 2014 jylǵy qyzmetiniń qorytyndylary týraly baıandady. Qazaqstan Prezıdenti búginde sot júıesi aldynda sýdıalardyń VI sezinde belgilengen jańa min­detter turǵanyna nazar aýdardy. Nursultan Nazarbaev respýblıka sottary 2015 jyldan bas­tap azamattardyń quqyqtary men bostandyqtaryn qorǵaý kepildigin nyǵaıtýǵa baǵyttalǵan jańa qylmystyq zańnama aıasynda jumys istep jatqanyna toqtaldy. Sonymen qatar, Memleket basshysy sot tóreligin atqarýdy odan ári jaqsartý, oǵan halyqtyń qoljetimdiligin qamtamasyz etý, Qazaqstannyń sýdıalar korpýsynyń kásibıligin arttyrý qajettigin de aıtty. Q.Mámı sottarǵa 1,2 mıllıonnan astam aryz jáne is kelip túskenin málimdedi. Ol azamattyq isterdiń sany shamamen 450 myń bolýy Qazaqstan azamattarynyń sot júıesine degen senimi artqandyǵynyń aıǵaǵy ekenin aıtty. Joǵarǵy Sot Tóraǵasy elek­trondy sot óndirisin engizý jumystary jóninde de baıandady. Sonymen qatar, sot júıesindegi sybaılas jemqorlyqqa qarsy kúresti segiz baǵyt boıynsha kúsheıtý jóninde keshendi sharalar qabyldandy. Solardyń qatarynda sottar qyzmetiniń ashyqtyǵyn arttyrý, ınno­vasııalyq tehnologııalardy engizý, sýdıalardy irikteý jumystaryn kúsheıtý, turaqty áleýmettik zertteýlermen qamtý jáne basqa sharalar bar. Kezdesý qorytyndysy boıynsha Memleket basshysy birqatar naqty tapsyrmalar berdi.