Bul – naǵyz demokratııalyq saılaý

Qazaqstanda ekonomıkalyq-áleýmettik damýdyń, demokratııalyq ilgerileýdiń aıqyn baǵdary bar. Meniń Aqtóbege kelmegenime 15 jyldaı bolǵan edi. Endi, mine, Reseıdiń Orynbor oblysynan 19 baıqaýshy qatarynda jolym tústi. Bizdi ózderimiz bekitilgen saılaý ýchaskelerinde jyly shyraımen qarsy alyp, saılaý naýqanynyń ótý barysyn baıqaýymyzǵa jaǵdaı jasaldy, tolyq aqparat aldyq. Aldymen Metallýrgter mádenıet úıinde ornalasqan №38 saılaý ýchaskesine kelgenimizde, adamdardyń qarasy kóptigi tánti etti. Saılaý ýchaskeleri ýaqtyly ashyldy. Saılaý jáshikterin retke keltirý, bıýlletenderdi taratý zańǵa sáıkes júrgizildi. Halyq merekege kelgendeı erteletip jınaldy. Birinshi daýys bergen saılaýshyǵa, eń jas jáne qart saılaýshyǵa qurmet kórsetý de umytylmady, syı-sııapat jasaldy. Eń bastysy, saılaýdy uıymdastyrýda kemshilikke jol berilmedi. Munyń ózi halyqtyń prezıdenttik saılaýǵa qanshalyqty mán beretinin, eldiń erteńine beıjaı qaraı almaıtynyn kórsetedi. Jalpy oblysta da, qalada da oń ózgerister kóp eken. Osynyń ózi eldegi turaqtylyq pen tatýlyqtyń arqasy ekeni anyq. Aqtóbe Qazaqstannyń ádemi qalalarynyń birine aınalǵan. Bul da N.Nazarbaevtyń sarabdal saıasatynyń nátıjesi ekeni sózsiz. Turǵyndardyń kóńil-kúıi kóterińki. Saılaý bastalǵanda osy ýchaskede bir qyz bala vıolenchel oınap, ádemi áserge bóledi. Halyqtyń saılaýǵa uıymshyldyqpen qatysqanyn kórdik. Ekinshi ýchaskede de osyndaı uıymshyldyqty ańǵardyq. Saılaýshylardyń demokratııalyq mádenıetke daǵdylanyp qalǵany aıqyn kórindi. Bir sózben aıtqanda, naǵyz demokratııalyq saılaý boldy. Aldyn ala esepteýlerdiń ózinde N.Nazarbaevtyń ózge úmitkerlerge qara­ǵanda qara úzip shyqqany belgili boldy. Prezıdentterińizdiń kezekten tys saılaý­daǵy jeńisimen quttyqtaımyn. Nursultan Nazarbaevtyń jeńisi tek sizder úshin ǵana emes, kórshiles Reseı úshin de mańyzdy. Eki eldiń arasynda kórshilik tatýlyq pen yntymaqtastyq odan ári de nyǵaıa túsetinine senim mol. Sebebi, N.Nazarbaevtyń Eýrazııalyq ekonomıkalyq odaqtyń bastamashysy retinde Reseıde de bedeli joǵary. Jalpy, qazaqstandyqtar óz tańdaýlaryn jasady. Munyń ózi eldiń erteńi úshin senimdilikke berik negiz qalaǵan shara boldy dep aıtýǵa negiz beredi. Oleg DIMOV, TMD mıssııasynyń baıqaýshysy.  Aqtóbe oblysy.