Sheteldikter jasyrynyp júripti

Atyraýǵa shetel azamattary kóp keledi. Árıne, vahtalyq ádispen ju­mys istep, kól-kósir paıda tabýdy kózdeıdi. Biraq, olardyń bári birdeı el zańdylyǵyn saqtaı bermeıdi. Tipti, keıbireýleriniń quqyq qorǵaý qyzmetkerlerinen jasyrynyp júre­tini de bar. Sondaı bir top qytaı­lyq azamatty Atyraý qalalyq ishki ister basqarmasynyń ýchaskelik polısııa ınspektorlary prokýratýra qyz­metkerlerimen birlesip júrgizgen shara barysynda anyqtap, ustap aldy. Naqtylaı aıtqanda, Qytaı Halyq Respýblıkasynyń 38 azamaty qaladaǵy jataqhanalardyń birinde jasyrynyp júrgen bolyp shyqty. Olar elimizdiń aýmaǵyna engen soń ishki ister organdarynda tirkelýden ótýi tıis eken. Alaıda, oblystyq ishki ister departamentiniń baspasóz hatshysy Gúlnázıra Muhtarovanyń habarlaǵanyndaı, Qytaı azamattary tıisti zańdylyqtyń bul talabyn buzǵan. Sol sebepten, 38 qytaılyqqa qatysty ákimshilik hattamalar toltyryldy. Qazirgi ýaqytta atalǵan sheteldikterdiń el zańdylyǵyn buzýy­men baılanysty toltyrylǵan ákim­shilik hattama ákimshilik sotqa joldandy. Joldasbek ShО́PEǴUL, «Egemen Qazaqstan». Atyraý oblysy.