Jańa balabaqsha

Jańaqorǵan aýdany Qojakent aýyldyq okrýginde 90 oryndyq balabaqsha ashyldy. Elbasynyń «Balapan» baǵdarlamasy negizinde boı kótergen bóbekjaıdyń ashylý saltanatyna oblys ákimi Qyrymbek Kósherbaev qatysty. Balabaqsha barlyq talapqa saı jasaqtalǵan. Jańa nysannyń boı kóterýimen aýylda balabaqsha máselesi tolyqtaı sheshimin tapty. Aýyl turǵyndary búldirshinderiniń talapqa saı ǵımaratta tárbıele­netinine dán rıza. Oblys ákimi óz sózinde Elba­sy­myzdyń búldirshinderdi balabaq­shamen tolyq qamtý qajettigin mejeli mindet retinde tapsyrǵanyna toqtaldy. Balabaqshalar tek bıýdjetten bólingen qarjyǵa salynyp jatqan joq. Kásiporyndar, shaǵyn jáne orta bıznes nysandary da balabaqsha ashýǵa óz úlesterin qosyp otyr. Iаǵnı, memlekettik-jekemenshik áriptestik tetigi engizilgen. Sonyń arqasynda búginde oblysymyzda jekemenshik balabaqshanyń sany artyp keledi. Jańaqorǵan aýdanynyń orta­lyǵynda múmkindigi shekteýli balalarǵa arnalǵan «Nurly senim» balabaqshasy jumys jasaıdy. Bul jeke balabaqsha. Árıne, on eki mú­shesi saý emes balalarmen jumys jasaýdyń ózindik qıynshylyqtary bar. Balabaqsha  aýdan kólemindegi múmkindigi shekteýli mektepke deıin­gi balalardy saýyqtyryp jáne ár balanyń jaǵdaıyna qaraı bilim berip, qoǵamda óz oryndaryn alýyna úles qosyp keledi. Ekologııalyq aımaqtyń zardabyn shekken balalar úshin bul da úlken kómek ekeni jasyryn emes. Erjan BAITILES, «Egemen Qazaqstan». Qyzylorda oblysy.