Tarıhymyzǵa qatysty tyń qujattar

Qytaıdan Qazaq handyǵynyń shejiresinen syr shertetin, tarıhı máni joǵary jańa qujattar tabyldy. Bul tabysqa Halyqaralyq Túrki akademııasy (HTA) ǵalymdarynyń Beıjińge jasaǵan sapary barysynda qol jetkizildi. Taıaýda Halyqaralyq Túrki akademııasynyń prezıdenti Dar­han Qydyráli bastaǵan tarıhshy-ǵalymdarymyz Beıjińge arnaıy jumys saparymen barǵan bolatyn. Sol kezde elimizdiń ókilderi Qazaq handyǵy týraly buryn esh jerde jarııalanbaǵan qundy qujattardy kezdestirdi. О́tkennen habar berer bul mura­lardyń ishinde qazaq handary men sultandarynyń Sın ımperatoryna shaǵataı, qal­maq tilderindegi hattary jáne ekijaqty dıplomatııalyq baılanystar jóninde manchjýr tilinde jazylǵan maǵlumaty mol qoljazbalar bar. Ǵalymdar tarıhymyzdy túgeldeý isinde atalmysh jazbalardyń orny erekshe ekenin alǵa tartyp otyr. Aıta keteıik, bizdiń delegasııa Beıjińde Qazaq handyǵynyń 550 jyldyǵyna arnalǵan al­qaly jıyn ótkizdi. Basqosýda Qytaı tarıhshylary elimizdiń ótkenine qyzyǵýshylyq tanytatyndaryn bildirgen. Osy oraıda Qytaı qoǵamdyq ǵylymdar akademııasy etnologııa jáne antropologııa ınstıtýtynyń dırektory Van Iаnchjýn: «Qazaq­stan ǵalymdarynyń Beıjińge kelip, baıandama oqyp, pikir bó­lisýi bizdiń qazaq halqy men onyń tarıhy týraly túsinigimizdi keńeıtti. Osyndaı sharalar bizdiń strategııalyq mańyzdy kórshimiz Qazaqstanmen gýmanıtarlyq-mádenı qatynastyń keńeıýine oń áserin tıgizedi», – dedi. Qytaıdyń belgili ǵalymy, professor Baı Sýı Sınniń dereginshe, 1950 jyldan beri han­zý tilinde qazaq halqynyń ta­rıhy men mádenıeti týraly 2600-den astam ǵylymı maqala men 10-nan  astam kitap jaryq kóripti. Sondaı-aq, sońǵy kezderi atalǵan baǵytty zertteý boıynsha doktorlyq jáne magıstrlik jumystar sany arta túsken. Budan bólek, Qytaı qoǵamdyq ǵylymdar akademııasynyń birneshe ınstıtýty Halyqaralyq Túrki akademııa­symen tyǵyz qarym-qatynasta jumys isteýge daıyn ekendikterin bildirip jat­qan kórinedi. Joldybaı BAZAR, «Egemen Qazaqstan».