Synaq

 Ulttyq qaýipsizdik komıtetinde 2015 jyl ózindik jumys yrǵaǵymen bastaldy. Naqtyraq aıtqanda, áskerı-jaýyngerlik josparǵa sáıkes Shekara akademııasynyń oqý ortalyǵynda óńirlik basqarmalardyń, quramalar men áskerı bólimder komandırleriniń oqý-metodıkalyq jıyny bolyp ótti. Elimizdiń barlyq óńirlerinen kelgen basshylyq quram Shek­ara qyzmeti dırektorynyń bi­rinshi orynbasary – bas shtab bastyǵy E. Aldajumanovtyń, dırektordyń orynbasary polkovnık M. Sábıdoldanovtyń jáne ortalyq apparat ofıserleriniń basshylyǵymen áskerı-jaý­yngerlik, deneshynyqtyrý já­ne saptyq qozǵalys pánderi boıynsha óz bilimderin qaıta py­syqtady. Sondaı-aq, jı­yn baǵdarlamasyna sáıkes Qazaq­stan Respýblıkasynyń zańdy­lyqtaryn oqytý, Qarýly Kúsh­terdiń jarǵylaryn pysyqtaý úshin arnaıy semınar, leksııalar uıymdastyryldy. Jıyn barysynda kóshpeli praktıkalyq sabaqtar ótkizý de basty nazarda boldy. Onyń ishinde komandırler Almaty garnızonynda ornalasqan áskerı bólimderdiń, jóndeý zaýytynyń, ortalyq qoımanyń tynys-tirshiligimen tanysty. Jıyn sońynda Shekara qyz­metiniń basshysy polkovnık D. Dilmanov eń aldymen jıynnyń joǵary deńgeıde, jınaqy jaǵdaıda ótkizilgenin atap ótti. Osyndaı uıymdastyrýshylyq qyzmeti úshin Shekara akademııasynyń, Kınologııalyq ortalyqtyń jáne ortalyq apparattyń ofıserlerine rızashylyǵyn bildirdi. Kez kelgen is-shara kemshiliksiz bolmaıdy. Jıyn qorytyndysy boıynsha nashar baǵa alǵan birqatar ofıserler syn tezine ushyrady. Bul másele arnaıy jınalys barysynda qaralatyndyǵy aıtyldy, dep habarlady QR UQK ShQ-nyń baspasóz qyzmeti.