Qazaqstan Respýblıkasy Eńbek jáne halyqty áleýmettik qorǵaý mınıstrliginiń buıryǵy  №216-ó

2014 jylǵy 11 mamyr, Astana qalasy «Qazaqstan Respýblıkasy Eńbek jáne halyqty áleýmettik qorǵaý mınıstrliginiń Baqylaý jáne áleýmettik qorǵaý komıteti» memlekettik mekemesiniń erejesin bekitý týraly buıyramyn: 1. Qosa berilip otyrǵan «Qazaqstan Respýblıkasy Eńbek jáne halyqty áleýmettik qorǵaý mınıstrliginiń Baqylaý jáne áleýmettik qorǵaý komıteti» memlekettik mekemesiniń erejesi bekitilsin. 2. Qazaqstan Respýblıkasy Eńbek jáne halyqty áleýmettik qorǵaý mınıstrliginiń Baqylaý jáne áleýmettik qorǵaý komıteti zańnamada belgilengen tártippen: 1) osy buıryqtyń Qazaqstan Respýblıkasy Ádilet mınıstirliginde memlekettik tirkelýin; 2) osy buıryqtyń memlekettik tirkelgennen keıin kúntizbelik on kún ishinde ony buqaralyq aqparat quraldarynda jáne «Ádilet» aqparattyq-quqyqtyq júıesinde resmı jarııalaýǵa jiberilýin; 3) osy buıryqtyń Qazaqstan Respýblıkasy Eńbek jáne halyqty áleýmettik qorǵaý mınıstrliginiń ınternet-resýrsynda ornalastyrylýyn qamtamasyz etsin. 3. Osy buıryq alǵashqy resmı jarııalanǵan kúninen bastap kúntizbelik on kún ótkennen soń qoldanysqa engiziledi. Mınıstr T.DÚISENOVA. Qazaqstan Respýblıkasy Eńbek jáne halyqty áleýmettik qorǵaý mınıstriniń 2014 jylǵy 11 mamyrdaǵy №216-ó buıryǵymen bekitilgen Baqylaý jáne áleýmettik qorǵaý komıteti týraly ereje 1. Jalpy erejeler 1. «Qazaqstan Respýblıkasy Eńbek jáne halyqty áleýmettik qorǵaý mınıstrligi Baqylaý jáne áleýmettik qorǵaý komıteti» (budan ári – Komıtet) memlekettik mekemesi eńbek, onyń ishinde eńbek qaýipsizdigi jáne eńbekti qorǵaý, halyqty áleýmettik qorǵaý, áleýmettik qamsyzdandyrý, onyń ishinde zeınetaqymen qamsyzdandyrý jáne mindetti áleýmettik saqtandyrý, múgedekterdi áleýmettik qorǵaý, balaly otbasylardy áleýmettik qoldaý, azamattardyń jekelegen sanattaryna áleýmettik kómek kórsetý salasynda memlekettik baqylaýdy júzege asyratyn Qazaqstan Respýblıkasy Eńbek jáne halyqty áleýmettik qorǵaý mınıstrliginiń (budan ári – Mınıstrlik) quzyreti shegindegi vedomstvosy jáne ýákiletti organy bolyp tabylady. 2. Komıtet óz qyzmetin Qazaqstan Respýblıkasynyń Konstıtýsııasy men zańdaryna, Qazaqstan Respýblıkasy Prezıdenti men Úkimetiniń aktilerine, ózge de normatıvtik quqyqtyq aktilerge, sondaı-aq osy Erejege sáıkes júzege asyrylady. 3. Komıtet memlekettik mekemeniń uıymdyq-quqyqtyq nysanyndaǵy zańdy tulǵa bolyp tabylady, onyń memlekettik tilde óz ataýy jazylǵan móri men mórtańbalary, belgilengen úlgidegi blankileri, Qazaqstan Respýblıkasynyń zańnamasyna sáıkes qazynashylyq organdarda shottary bolady. 4. Komıtet óz quzyreti shegindegi máseleler boıynsha Qazaqstan Respýblıkasynyń zańnamasynda kózdelgen basqa da aktilermen, Komıtet tóraǵasynyń buıryqtarymen resimdeletin zańnamada belgilengen tártippen sheshimder qabyldaıdy. 5. Komıtettiń qurylymy men shtat sanyn Mınıstrmen kelisilgennen keıin, Mınıstrliktiń jaýapty hatshysy bekitedi. Komıtet: 1) eńbek zańnamasyn baqylaý basqarmasynan; 2) áleýmettik qorǵaý jáne medısınalyq-álýmettik saraptama jónindegi zańnamalardy baqylaý basqarmasynan; 3) eńbek jaǵdaılaryn baqylaý jáne eńbekti qorǵaý basqarmasynan turady. 6. Osy Erejege qosymshaǵa sáıkes Komıtettiń oblystarda, Astana jáne Almaty qalalarynda aýmaqtyq bólimsheleri bar. 7. Komıtettiń ornalasqan jeri: 010000, Astana qalasy, Esil aýdany, Orynbor kóshesi, 8-úı, «Mınıstrlikter úıi» ákimshilik ǵımaraty, 6-kireberis. 8. Komıtettiń tolyq ataýy – «Qazaqstan Respýblıkasy Eńbek jáne halyqty áleýmettik qorǵaý mınıstrligi Baqylaý jáne áleýmettik qorǵaý komıteti» memlekettik mekemesi. 9. Osy Ereje Komıtettiń quryltaı qujaty bolyp tabylady. 10. Komıtettiń qyzmetin qarjylandyrý respýblıkalyq bıýdjet qarajatynyń esebinen júzege asyrylady. 11. Jumys rejımi Qazaqstan Respýblıkasynyń eńbek zańnamasyna sáıkes Mınıstrliktiń jumys reglamentinde belgilenedi. 12. Komıtetke óziniń fýnksııalary bolyp tabylatyn mindetterdi oryndaý turǵysynda kásipkerlik sýbektilerimen sharttyq qatynastarǵa túsýge tyıym salynady. Eger Komıtetke Qazaqstan Respýblıkasynyń zańnamalyq aktilerimen kirister ákeletin qyzmetti júzege asyrý quqyǵy berilgen bolsa, onda mundaı qyzmetten alynǵan kirister respýblıkalyq bıýdjettiń kirisine jiberiledi. 2. Komıtettiń negizgi mindetteri jáne fýnksııalary 13. Komıtettiń negizgi mindetteri: 1) áleýmettik qamsyzdandyrý, onyń ishinde zeınetaqymen qamsyzdandyrý jáne mindetti áleýmettik saqtandyrý; balaly otbasylardy áleýmettik qoldaý; azamattardyń jekelegen sanattaryna áleýmettik kómek kórsetý, múgedekterdi áleýmettik qorǵaý salasynda óz quzyreti sheginde memlekettik saıasatty iske asyrý; 2) Qazaqstan Respýblıkasyndaǵy eńbek zańnamasynyń, onyń ishinde óz quzyreti sheginde eńbek qaýipsizdigi jáne eńbekti qorǵaý, halyqty jumyspen qamtý týraly talaptary boıynsha memlekettik baqylaýdy júzege asyrý; 3) óz quzyreti sheginde eńbek qaýipsizdigi jáne ony qorǵaý salasynda baqylaýdy uıymdastyrý; 4) Qazaqstan Respýblıkasynyń zańnamasynda belgilengen tártippen memlekettik eńbek ınspeksııasynyń jergilikti organdarynyń óndiristegi jazataıym oqıǵalarǵa tergeý júrgizýine, onyń ishinde óndiristegi jazataıym oqıǵalarǵa tergeýdiń ýaqtyly jáne obektıvti júrgizilýine baqylaýdy júzege asyrý; 5) aýmaqtyq bólimshelerdiń qyzmetine basshylyq jasaýdy júzege asyrý jáne aýmaqtyq bólimshelerdiń jáne eńbek ınspeksııasy jónindegi jáne jergilikti organdardyń qyzmetin úılestirý. 14. Komıtetke júktelgen mindetterge sáıkes zańnamada belgilengen tártippen mynadaı fýnksııalardy júzege asyrady: áleýmettik qamsyzdandyrý, onyń ishinde zeınetaqymen qamsyzdandyrý jáne mindetti áleýmettik saqtandyrý, balaly otbasylardy áleýmettik qoldaý, azamattardyń jekelegen sanattaryna áleýmettik kómek kórsetý, múgedekterdi áleýmettik qorǵaý salasynda óz quzyreti sheginde memlekettik saıasatty iske asyrý jónindegi mindetterdi iske asyrý maqsatynda: 1) memlekettik bazalyq zeınetaqy tólemin, múgedektigi boıynsha, asyraýshysynan aıyrylý jaǵdaıy boıynsha jáne jasyna baılanysty memlekettik áleýmettik járdemaqylardy, «Zeınetaqy tóleý jónindegi memlekettik ortalyq» RMQK-dan (budan ári – Ortalyq) jáne «Memlekettik áleýmettik saqtandyrý qory» AQ-dan (budan ári – Qor) beriletin zeınetaqy jáne áleýmettik tólemderdi, arnaýly memlekettik járdemaqyny, memlekettik arnaıy járdemaqyny, balaly otbasylarǵa beriletin memlekettik járdemaqyny, bankrottyq saldarynan taratylǵan zańdy tulǵalardyń, qyzmetkerleriniń ómiri men densaýlyǵyna keltirgen zııandy óteý jónindegi tólemderdi kapıtaldandyrý kezeńi aıaqtalǵannan keıin beriletin aı saıynǵy tólemdi, Semeı ıadrolyq synaq polıgonyndaǵy ıadrolyq synaqtardyń saldarynan zardap shekken azamattarǵa, saıası qýǵyn-súrgin qurbandaryna beriletin birjolǵy aqshalaı ótemaqyny, jerleýge birjolǵy tólemdi taǵaıyndaý jáne tóleýdi qamtamasyz etý; 2) Ortalyqtan jáne Qordan zeınetaqy jáne áleýmettik tólemderdi taǵaıyndaý ne taǵaıyndaýdan bas tartý týraly sheshim qabyldaý; 3) Ortalyqtan jáne Qordan beriletin zeınetaqy jáne áleýmettik tólemder alýshylardyń sany jáne somalary týraly derekterdi jınaqtaýdy uıymdastyrý; 4) Ortalyqtan jáne Qordan beriletin zeınetaqy jáne áleýmettik tólemderdi taǵaıyndaý jáne alý máseleleri boıynsha túsinikteme berý; 5) Ortalyqtan memlekettik bazalyq zeınetaqy tóleminiń, zeınetaqy tólemderiniń, múgedektigi boıynsha, asyraýshysynan aıyrylý jaǵdaıy boıynsha jáne jasyna baılanysty memlekettik áleýmettik járdemaqylardyń, arnaýly memlekettik járdemaqynyń, memlekettik arnaıy járdemaqynyń, bala týýǵa jáne bala kútimi boıynsha járdemaqynyń, saıası qýǵyn-súrgin qurbandaryna, Semeı ıadrolyq synaq polıgonynda ıadrolyq synaqtardyń saldarynan zardap shekken azamattarǵa birjolǵy aqshalaı ótemaqynyń, jerleýge birjolǵy tólemderdiń, bankrottyq saldarynan taratylǵan zańdy tulǵalardyń, qyzmetkerleriniń ómiri men densaýlyǵyna keltirgen zııandy óteý jónindegi tólemderdi kapıtaldandyrý kezeńi aıaqtalǵannan keıin beriletin aı saıynǵy tólemderdiń, Qordan beriletin áleýmettik tólemderdiń ýaqtyly jáne tolyq tólenýine baqylaýdy júzege asyrý; 6) Ortalyqtan beriletin zeınetaqy jáne áleýmettik tólemderdi jáne Qordan áleýmettik tólemderdi taǵaıyndaý úshin qajetti qujattardyń durystyǵyn tekserý; 7) óziniń baqylaý jáne qadaǵalaý fýnksııalaryn qamtamasyz etý úshin Ortalyqtan jáne Qordan beriletin zeınetaqy jáne áleýmettik tólemderdiń barlyq túrleri boıynsha qarjylyq jáne ózge de eseptilik tizbesin, nysandaryn, usyný merzimderin aıqyndaý; 8) Qordyń qyzmeti týraly málimetterdi, sondaı-aq memlekettik organdardan jáne uıymdardan óziniń baqylaý jáne qadaǵalaý fýnksııalaryn júzege asyrýǵa qajetti málimetterdi alý; 9) Qazaqstan Respýblıkasynyń zańnamasynda belgilengen tártippen Qordyń qyzmetin óz quzyreti sheginde ınspeksııalaý; 10) medısınalyq-áleýmettik saraptama júrgizý; 11) múgedektik tobyn, onyń sebepterin, múgedektiktiń bastalý merzimderin, ýaqytyn, eńbek etý qabiletinen aırylý dárejesin, aǵza fýnksııalarynyń buzylý jáne tynys-tirshiliginiń shektelý dárejesine baılanysty «múgedek bala» sanatyn aıqyndaý; 12) múgedekterdi ońaltýdyń jeke baǵdarlamasyn jasaý jáne olardyń ońaltylýyn baqylaý; Qazaqstan Respýblıkasyndaǵy eńbek zańnamasynyń, onyń ishinde eńbek qaýipsizdigi jáne ony qorǵaý talaptarynyń, halyqty jumyspen qamtý týraly zańnamanyń saqtalýyna memlekettik baqylaýdy júzege asyrý jónindegi mindetterdi iske asyrý maqsatynda óz quzyreti sheginde: 1) eńbek qatynastaryn retteý salasynda jergilikti atqarýshy organdardyń qyzmetin úılestirýdi júzege asyrý jáne ádistemelik basshylyq jasaý; 2) «Múgedektigi bar adamdardyń ortalyqtandyrylǵan derekter qoryn», «Eńbekti qorǵaý» AAJ-nyń derekqoryn qalyptastyrý, sondaı-aq «E-sobes», «Áleýmettik kómek: AÁK, MBJ», «Sheteldik jumys kúshi», «Eńbek naryǵy», «Jumyspen qamtý» AAJ-ny súıemeldeý; eńbek qaýipsizdigi jáne ony qorǵaý salasynda baqylaýdy uıymdastyrý jónindegi mindetterdi iske asyrý maqsatynda óz quzyreti sheginde: 1) basshy qyzmetkerlerdiń jáne jumys berýshilerdegi eńbek qaýipsizdigi jáne ony qorǵaýdy qamtamasyz etýge jaýapty adamdardyń bilimin tekserýdi júrgizýge jáne oqytýǵa qatysý; 2) eńbek qaýipsizdigi jáne ony qorǵaý salasynda monıtorıngti jáne táýekelderdi baǵalaýdy uıymdastyrý; 3) eńbek qaýipsizdigi jáne ony qorǵaý máseleleri boıynsha qyzmetkerlerdiń, jumys berýshilerdiń jáne olardyń ókilderiniń ótinishterin qaraý; Qazaqstan Respýblıkasynyń zańnamasynda belgilengen tártippen memlekettik eńbek ınspeksııasynyń jergilikti organdarynyń óndiristegi jazataıym oqıǵalarǵa tergeý júrgizýine, onyń ishinde óndiristegi jazataıym oqıǵalarǵa tergeýdiń ýaqtyly jáne obektıvti júrgizilýine baqylaýdy júzege asyrý jónindegi mindetterdi iske asyrý maqsatynda: 1) úsh adamnan bes adamǵa deıin qaza bolǵan jaǵdaıda óndiristegi toptyq jazataıym oqıǵalarǵa tergeý júrgizý úshin komıssııa qurý; 2) Qazaqstan Respýblıkasynyń zańnamasynda belgilengen tártipte úsh adamnan bes adamǵa deıin qaza bolǵan jaǵdaıda óndiristegi toptyq jazataıym oqıǵalarǵa tergeý júrgizý; 3) Qazaqstan Respýblıkasynyń zańnamasynda belgilengen tártippen óndiristegi jazataıym oqıǵalarǵa tergeýdiń ýaqtyly jáne obektıvti júrgizilýine baqylaýdy júzege asyrý; 4) jazataıym oqıǵalarǵa tergeý júrgizý, resimdeý jáne tirkeý máseleleri boıynsha jumys berýshi, qyzmetker jáne memlekettik eńbek ınspektory arasyndaǵy kelispeýshilikterdi qaraý; eńbek ınspeksııasy jónindegi aýmaqtyq bólimshelerdiń jáne jergilikti organdardyń qyzmetine basshylyq jasaýdy jáne úılestirýdi júzege asyrý jónindegi mindetterdi iske asyrý maqsatynda: 1) eńbek ınspeksııasy jónindegi jergilikti organnyń qyzmetin úılestirý jáne qyzmetin tekserýdi júzege asyrý; 2) eńbek ınspeksııasy jónindegi jergilikti atqarýshy organdardan eńbek qatynastary máseleleri boıynsha qajetti aqparatty suratýdy júzege asyrý; 3) aýmaqtyq bólimshelerge quqyqtyq, konsýltasııalyq jáne túsindirý jumystaryn júzege asyrý; 4) Komıtetke zańnamada jáne Mınıstrlik basshylyǵy júktegen ózge de mindetter men fýnksııalar. 15. Komıtetke júktelgen negizgi mindetterdi iske asyrý jáne fýnksııalardy júzege asyrý úshin zańnamada belgilengen tártippen: 1) Qazaqstan Respýblıkasynyń eńbek zańnamasy talaptarynyń saqtalýy boıynsha tekserýdi jáne memlekettik baqylaýdyń basqa da nysandaryn júzege asyrýǵa; 2) Komıtettiń quzyretine kiretin máselelerdi talqylaý jónindegi komıssııalar men jumys toptarynyń jumysyna qatysýǵa; 3) basqa memlekettik organdarmen, jergilikti atqarýshy organdarmen jáne uıymdarmen baılanysty júzege asyrýǵa; 4) memlekettik eńbek ınspeksııasy jónindegi jergilikti atqarýshy organdardan eńbek qatynastaryna qatysty qajetti aqparatty suratýǵa; 5) Mınıstrliktiń qaramaǵyndaǵy uıymdardan, ýákiletti jergilikti atqarýshy organdardan, memlekettik eńbek ınspeksııasynan, jumys berýshilerden (zańdy tulǵalardan), jeke tulǵalardan, kásipkerlikpen aınalysatyn adamdardy qosa alǵanda belgilengen tártippen taldaý jumysyn qamtamasyz etý jáne Komıtetke júktelgen fýnksııalardy oryndaý úshin qajetti qujattardy jáne aqparattyq sıpattaǵy anyqtamalardy suratýǵa; 6) Qazaqstan Respýblıkasynyń qoldanystaǵy zańnamasynda kózdelgen ózge de quqyqtardy júzege asyrýǵa quqyǵy bar. 16. Mindetteri: 1) Komıtet quzyryna kiretin máseleler boıynsha memlekettik jáne memlekettik emes uıymdarda Mınıstrlik atynan ókilettik etý jáne tıisti hat almasý; 2) Komıtettiń quzyryna kiretin máseleler boıynsha tıisti sheshimderdi qabyldaý; 3) Qazaqstan Respýblıkasynyń zańnamasyn, zańdy jáne jeke tulǵalardyń zańmen saqtalatyn múddelerin qorǵaýdy saqtaý. 3. Komıtettiń qyzmetin uıymdastyrý 17. Komıtetti qyzmetine Mınıstr taǵaıyndaıtyn jáne qyzmetinen bosatatyn tóraǵa – Qazaqstan Respýblıkasynyń Bas memlekettik eńbek ınspektory (budan ári – Tóraǵa) basqarady. 18. Komıtet tóraǵasynyń usynýy boıynsha Komıtet tóraǵasynyń jaýapty hatshy qyzmetke taǵaıyndaıtyn jáne qyzmetten bosatatyn orynbasarlary bolady. 19. Komıtet tóraǵasy Komıtettiń jumysyn uıymdastyrady jáne basshylyq jasaıdy jáne Komıtetke júktelgen mindetterdiń oryndalýy jáne onyń óz fýnksııalaryn júzege asyrýy úshin derbes jaýapty bolady. 20. Osy maqsattarda Komıtet tóraǵasy: 1) eńbek qatynastarynyń máseleleri zańnamalyq aktilerge sáıkes joǵary turǵan memlekettik organdar men laýazymdy adamdardyń quzyretine jatqyzylǵan qyzmetkerlerdi qospaǵanda, zańnamaǵa sáıkes Komıtettiń qyzmetkerlerin qyzmetke taǵaıyndaıdy jáne bosatady; 2) Komıtettiń qurylymdyq bólimsheleri basshylarynyń mindetteri men ókilettikterin belgileıdi; 3) Komıtettiń aýmaqtyq bólimsheleri basshylarynyń jáne basshylar orynbasarlarynyń mindetteri men ókilettikterin belgileıdi; 4) eńbek qatynastarynyń máseleleri zańnamalyq aktilerge sáıkes joǵary turǵan memlekettik organdar men laýazymdy adamdardyń quzyretine jatqyzylǵan qyzmetkerlerdi qospaǵanda, Komıtet qyzmetkerleriniń jumysynyń tıimdiligi men sapasyn anyqtaý úshin jyl saıyn olardyń qyzmetin baǵalaýdy júrgizedi; 5) Komıtet qyzmetkerleri men aýmaqtyq bólimsheler basshylarynyń orynbasarlaryn issaparǵa jiberý, demalystar berý, materıaldyq kómek kórsetý, daıarlaý (qaıta daıarlaý), biliktiligin arttyrý, kótermeleý, ústemaqy jáne syılyqaqy tóleý máselelerin zańnamamen belgilengen tártippen sheshedi; 6) eńbek qatynastarynyń máseleleri zańnamalyq aktilerge sáıkes joǵary turǵan memlekettik organdar men laýazymdy adamdardyń quzyretine jatqyzylǵan qyzmetkerlerdi qospaǵanda, Komıtet qyzmetkerlerine tártiptik jaza qoldaný suraqtaryn sheshedi; 7) Komıtet tóraǵasy orynbasarlaryn, sondaı-aq aýmaqtyq bólimshelerdiń basshylaryn issaparǵa jiberý, demalystar berý, materıaldyq kómek kórsetý, daıarlaý (qaıta daıarlaý), biliktiligin arttyrý, kótermeleý, ústemaqy jáne syılyqaqy tóleý, atqarýshylyq jáne eńbek tártibine qatysty máselelerdi jaýapty hatshynyń qaraýyna usynady; 8) oblystyń, respýblıkalyq mańyzy bar qalanyń, astananyń bas memlekettik eńbek ınspektoryn taǵaıyndaýdy kelisedi; 9) óz quzyreti sheginde quqyqtyq aktilerge qol qoıady; 10) memlekettik organdarda jáne menshik nysanyna qaramastan ózge uıymdarda, sondaı-aq jeke tulǵalarmen qarym-qatynasta Komıtettiń atynan ókildik etedi; 11) zańnamaǵa sáıkes Komıtet atynan zańdy jáne jeke tulǵalarǵa narazylyqtar men talap bildirý týraly sheshimder qabyldaıdy; 12) Komıtette sybaılas jemqorlyqqa qarsy is-qımyl jasaýǵa baǵyttalǵan sharalar qabyldaıdy jáne sybaılas jemqorlyqqa qarsy tıisti sharalar qabyldamaǵany úshin derbes jaýapkershilikte bolady. 4. Komıtettiń múlki 21. Komıtette Qazaqstan Respýblıkasynyń zańnamasynda kózdelgen jaǵdaılarda jedel basqarý quqyǵynda oqshaýlanǵan múlki bolýy múmkin. Komıtettiń múlki oǵan menshik ıesi bergen múlik, sondaı-aq óz qyzmeti nátıjesinde satyp alǵan múlki (aqshalaı kiristerdi qosa alǵanda) jáne Qazaqstan Respýblıkasynyń zańnamasynda tyıym salynbaǵan ózge de kózder esebinen qalyptastyrylady. 22. Komıtetke bekitip berilgen múlik respýblıkalyq menshikke jatady. 23. Eger zańnamada ózgeshe kózdelmese, Komıtettiń ózine bekitilgen múlikti jáne smeta boıynsha ózine bólingen qarajat esebinen satyp alynǵan múlikti óz betimen ıelikten shyǵarýǵa nemese oǵan ózgedeı tásilmen bılik etýge quqyǵy joq. 5. Komıtetti qaıta uıymdastyrý jáne taratý 24. Komıtetti qaıta uıymdastyrý jáne taratý Qazaqstan Respýblıkasynyń zańnamasyna sáıkes júzege asyrylady. Baqylaý jáne áleýmettik qorǵaý komıteti týraly erejege qosymsha Qazaqstan Respýblıkasy Eńbek jáne halyqty áleýmettik qorǵaý mınıstrligi Baqylaý jáne áleýmettik qorǵaý komıtetiniń qaramaǵyndaǵy aýmaqtyq bólimshelerdiń tizbesi 1. Aqmola oblysy boıynsha Baqylaý jáne áleýmettik qorǵaý departamenti, Kókshetaý qalasy. 2. Aqtóbe oblysy boıynsha Baqylaý jáne áleýmettik qorǵaý departamenti, Aqtóbe qalasy. 3. Almaty oblysy boıynsha Baqylaý jáne áleýmettik qorǵaý departamenti, Almaty qalasy. 4. Atyraý oblysy boıynsha Baqylaý jáne áleýmettik qorǵaý departamenti, Atyraý qalasy. 5. Shyǵys Qazaqstan oblysy boıynsha Baqylaý jáne áleýmettik qorǵaý departamenti, О́skemen qalasy. 6. Jambyl oblysy boıynsha Baqylaý jáne áleýmettik qorǵaý departamenti, Taraz qalasy. 7. Batys Qazaqstan oblysy boıynsha Baqylaý jáne áleýmettik qorǵaý departamenti, Oral qalasy. 8. Qaraǵandy oblysy boıynsha Baqylaý jáne áleýmettik qorǵaý departamenti, Qaraǵandy qalasy. 9. Qyzylorda oblysy boıynsha Baqylaý jáne áleýmettik qorǵaý departamenti, Qyzylorda qalasy. 10. Qostanaı oblysy boıynsha Baqylaý jáne áleýmettik qorǵaý departamenti, Qostanaı qalasy. 11. Mańǵystaý oblysy boıynsha Baqylaý jáne áleýmettik qorǵaý departamenti, Aqtaý qalasy. 12. Pavlodar oblysy boıynsha Baqylaý jáne áleýmettik qorǵaý departamenti, Pavlodar qalasy. 13. Soltústik Qazaqstan oblysy boıynsha Baqylaý jáne áleýmettik qorǵaý departamenti, Petropavl qalasy. 14. Ońtústik Qazaqstan oblysy boıynsha Baqylaý jáne áleýmettik qorǵaý departamenti, Shymkent qalasy. 15. Astana qalasy boıynsha Baqylaý jáne áleýmettik qorǵaý departamenti, Astana qalasy. 16. Almaty qalasy boıynsha Baqylaý jáne áleýmettik qorǵaý departamenti, Almaty qalasy. Buıryq Qazaqstan Respýblıkasynyń Ádilet mınıstrliginde 2014 jylǵy 5 maýsymda Normatıvtik quqyqtyq kesimderdi memlekettik tirkeýdiń tizilimine №9484 bolyp engizildi.