Foto: freepik.com
Mádenıet jáne aqparat mınıstrliginiń málimetinshe, elimizde 12 myńǵa jýyq kitaphana bar, olardyń 4 myńǵa jýyǵy atalǵan vedomstvonyń qaramaǵynda. 9,5 myńnan astam kitaphanashy 73 mıllıonǵa jýyq kitapty saqtaýmen aınalysady. 2020-2024 jyldar aralyǵynda kópshilik kitaphana paıdalanýshylarynyń sany 3 mıllıonnan 5 mıllıonǵa deıin ósken. Elektrondy kitaptar men qujattarǵa jyl saıyn 110 eldiń paıdalanýshylary júginedi eken.
«Mınıstrlik kitaphanalardy jańǵyrtý, olardy jabdyqtaý men qorlardy tolyqtyrý jumystaryn jalǵastyryp jatyr. «Qazaqstandyq ulttyq elektrondyq kitaphana» jobasy aıtarlyqtaı damyp keledi. Sizderdiń eńbekterińiz ben mádenı murany saqtaý jolyndaǵy úlesterińizge shynaıy alǵysymyzdy bildiremiz. Barshańyzǵa zor densaýlyq pen tabys tileımiz», delingen vedomstvo aqparatynda.
