Foto: gov.kz
Reseı Federasııasynyń Prezıdenti Vladımır Pýtın jedelhatynda eki el arasyndaǵy qarym-qatynas strategııalyq seriktestik jáne odaqtastyq rýhynda tabysty damyp jatqanyna, sondaı-aq Máskeý men Astana túrli kópjaqty qurylymdar aıasynda belsendi baılanys ornatqanyna toqtaldy.
«Birlesken kúsh-jigerimiz arqyly halyqtarymyzdyń ıgiligi jáne Eýrazııa keńistigindegi qaýipsizdik pen turaqtylyqty nyǵaıtý jolynda ekijaqty yntymaqtastyqtyń barlyq baǵytyn odan ári jandandyra túsetinimizge senimdimin», dep jazdy Vladımır Pýtın.
Qytaı Halyq Respýblıkasynyń Tóraǵasy Sı Szınpın Qazaqstannyń óńirlik jáne halyqaralyq deńgeıde yqpaly arta túskenin atap ótip, bul jetistikterge tatý kórshi, jan-jaqty strategııalyq seriktes retinde óz halqynyń shynaıy qýanatynyn aıtty.
«Eki el arasyndaǵy ózara tıimdi seriktestikti odan ári ilgeriletý jáne yqpaldastyqty jańa deńgeıge kóterý úshin Sizben kúsh-jiger biriktirýge daıynmyn», dep jazylǵan QHR Tóraǵasynyń jedelhatynda.
Amerıka Qurama Shtattarynyń Prezıdenti Djozef Baıden Qasym-Jomart Toqaev pen Qazaqstan halqyna joldaǵan quttyqtaý jedelhatynda elderimiz arasyndaǵy strategııalyq seriktestik táýelsizdik, aýmaqtyq tutastyq sııaqty Birikken Ulttar Uıymynyń qaǵıdattaryna negizdelgenine nazar aýdarǵan.
«Atalǵan qaǵıdattardy berik ustanǵan Qazaqstanmen qaýipsizdik, ekonomıka jáne ekologııa máselelerin sheshý jolyndaǵy birlesken jumysty jalǵastyrýǵa múddelimiz», dep jazdy Djozef Baıden.
Ulybrıtanııa men Soltústik Irlandııa Birikken Koroldiginiń Koroli III Charlz Qazaqstanmen yqpaldastyqty joǵary baǵalap, elderimiz beıbitshilik, qorshaǵan ortany qorǵaý, klımattyń ózgerýi sııaqty jahandyq mańyzdy máseleler boıynsha ornatqan tyǵyz baılanysty jalǵastyratynyna senim bildirdi.
Fransııa Prezıdenti Emmanıýel Makron óziniń quttyqtaýynda eki eldi kópjaqty yntymaqtastyq biriktiretinin aıtty.
«Biz túrli qurylymdar aıasyndaǵy baılanysymyzdy bekitip, seriktestigimizdiń kókjıegin keńeıte túsemiz dep úmittenemin», dep jazǵan Fransııa Prezıdenti.
Túrkııa Prezıdenti Rejep Taııp Erdoǵan baýyrlas halyqtar arasyndaǵy qarym-qatynas ortaq tilimiz ben tarıhymyzdan jáne mádenıetimizden qýat ala otyryp, odan ári tereńdeı túsetinine kámil senetinin atap ótken.
«Qazaqstannyń túrki áleminiń birligine erekshe mán berýin jáne Túrki memleketteri uıymyn nyǵaıtýdaǵy jetekshi rólin joǵary baǵalaımyz», delingen Túrkııa Prezıdentiniń jedelhatynda.
О́zbekstan Prezıdenti Shavkat Mırzııoev óz quttyqtaýynda Qazaqstanda aýqymdy ózgerister oryn alyp, memleket pen qoǵam ómiriniń barlyq salasynda keshendi ári júıeli reformalar júrgizilip jatqanyn jáne eldiń halyqaralyq arenadaǵy abyroı-bedeli arta túskenin aıtqan.
Qyrǵyzstan Prezıdenti Sadyr Japarov táýelsiz el bolǵan sátten bastap baýyrlas Qazaqstan memlekettiń irgesin nyǵaıtý, saıası jáne áleýmettik-ekonomıkalyq turǵydan damý, belsendi syrtqy saıasat júrgizý isinde aıtarlyqtaı tabysqa qol jetkizgenine toqtalǵan. Sondaı-aq eki el arasyndaǵy yntymaqtastyq odan ári damı beretinine senim bildirgen.
Tájikstan Prezıdenti Emomalı Rahmon strategııalyq seriktestik pen odaqtastyq qaǵıdattaryna negizdelgen dostyq pen ózara tıimdi baılanystardy odan ári nyǵaıtýǵa daıyn ekenin málimdegen.
Túrikmenstan Prezıdenti Serdar Berdimuhamedov túrikmen-qazaq yqpaldastyǵy kóptegen baǵytta jandanyp kele jatqanyna basa mán berip, oǵan joǵary deńgeıdegi ashyq ári dostyq dıalog oń áser etip otyrǵanyn jazǵan. Elimizdiń ulttyq merekesine oraı jyly lebizin Túrikmenstan Halk Maslahatynyń Tóraǵasy Gýrbangýly Berdimuhamedov te joldady.
Ázerbaıjan Prezıdenti Ilham Álıev jedelhatynda óz eliniń Qazaqstanmen saýda-ekonomıkalyq, mádenı-gýmanıtarlyq salalarda nátıjeli seriktestikti damytýǵa jáne birlesken jobalardy júzege asyrýǵa nıetti ekenin jetkizdi.
Sonymen qatar quttyqtaý jedelhattaryn Qos kıeniń saqshysy, Saýd Arabııasynyń Koroli Salman ben Ábdelazız Ál Saýd, Saýd Arabııasynyń Taq murageri, Premer-mınıstri Muhammed ben Salman ben Ábdelazız Ál Saýd, Rım Papasy Fransısk, Japonııa Imperatory Narýhıto, Marokko Koroli VI Muhammed, Bahreın Koroli Hamad ben Isa Ál Halıfa, Oman Sultany Haısam ben Tarıq, Nıderland Koroli Vıllem-Aleksandr, Belgııa Koroli Fılıpp, Shvesııa Koroli Karl Gýstav, Ispanııa Koroli VI Felıpe, Taıland Koroli Maha Vachıralongkorn, Germanııanyń Federaldyq Prezıdenti Frank-Valter Shtaınmaıer, Úndistan Prezıdenti Draýpadı Mýrmý, Koreıa Respýblıkasynyń Prezıdenti Iýn Sok Iol, Belarýs Prezıdenti Aleksandr Lýkashenko, Italııa Prezıdenti Serdjo Mattarella, Shveısarııa Prezıdenti Vıola Amherd, Chehııa Prezıdenti Petr Pavel, Slovakııa Prezıdenti Peter Pellegrını, Portýgalııa Prezıdenti Marselý Rebelý de Soýza, Iran Prezıdenti Masýd Pezeshkıan, BAÁ Prezıdenti sheıh Muhammed ben Zaıd Ál Nahaıan, Mysyr Prezıdenti Ábdel Fattah As-Sısı, Indonezııa Prezıdenti Prabovo Sýbıanto, Palestına Prezıdenti Mahmýd Abbas, Sıngapýr Prezıdenti Tarman Shanmýgaratnam, Aýstrııa Prezıdenti Aleksandr Van der Bellen, Fınlıandııa Prezıdenti Aleksandr Stýbb, Horvatııa Prezıdenti Zoran Mılanovıch, Bolgarııa Prezıdenti Rýmen Radev, Majarstan Premer-mınıstri Vıktor Orban, Armenııa Premer-mınıstri Nıkol Pashınıan, Armenııa Prezıdenti Vaagn Hachatýrıan, Serbııa Prezıdenti Aleksandr Výchıch, Monǵolııa Prezıdenti Ýhnaagıın Hýrelsýh, Grýzııa Prezıdenti Salome Zýrabıshvılı, Lıtva Prezıdenti Gıtanas Naýseda, Latvııa Prezıdenti Edgars Rınkevıchs, Estonııa Prezıdenti Alar Karıs, Albanııa Prezıdenti Baıram Begaı, Izraıl Prezıdenti Ishak Gersog, Vetnam Prezıdenti Lyong Kyong, Rýmynııa Prezıdenti Klaýs Verner Iohannıs, Kıpr Prezıdenti Nıkos Hrıstodýlıdıs, Ońtústik Afrıka Respýblıkasynyń Prezıdenti Matamela Sırıl Ramafosa, Efıopııa Prezıdenti Taıe Aske-Selassıe, Pákistan Premer-mınıstri Shahbaz Sharıf, Bahreın Koroldiginiń Taq murageri, Premer-mınıstri Salman ben Hamad Ál Halıfa, Irak Premer-mınıstri Muhammed Shıa ál-Sýdanı, BAÁ Vıse-prezıdenti, Premer-mınıstri, Dýbaı ámirshisi sheıh Muhammed ben Rashıd Ál Maktým, BAÁ Vıse-Prezıdenti, Premer-mınıstrdiń orynbasary, Prezıdent Ákimshiliginiń basshysy sheıh Mansur ben Zaıd Ál Nahaıan, Kanadanyń general gýbernatory Merı Saımon, Eýropalyq Keńestiń Prezıdenti Sharl Mıshel, TMD Bas hatshysy Sergeı Lebedev, Shanhaı Yntymaqtastyq Uıymynyń Bas hatshysy Chjan Mın, AО́SShK hatshylyǵynyń bas dırektory Qaırat Sarybaı,Túrki memleketteri uıymynyń Bas hatshysy Kýbanychbek О́mirálıev, Islam yntymaqtastyǵy uıymynyń Bas hatshysy Hısseın Brahım Taha, Túrki mádenıeti men murasy qorynyń prezıdenti Aqtoty Raıymqulova, Tatarstan Raısy Rýstam Mınnıhanov jáne basqalary joldady.
Quttyqtaý jedelhattary áli de kelip túsip jatyr.
