Aqparattar aǵyny

 *Dúnıejúzilik bank eli­mizge 6 mlrd. AQSh dollaryn bóletin boldy. Ulttyq ekonomıka vıse-mınıstri Mádına Ábilqasymovanyń aıtýynsha, bul qarjy kólik-logıstıkalyq jobalardy iske asyrýǵa, ShOB-ty qarjylandyrýǵa, bıznestiń básekelestigin arttyrýǵa, ınvestısııalardy tartý úshin ınstıtýttyq kómek kórsetýge jáne qorshaǵan ortany qorǵaýǵa jumsalady. * «QazAgro» holdıngi Shot­landııanyń Koroldik ban­ki­sinen alǵan qaryzyn ótedi. Elimizdiń agroónerkásiptik keshenin qarjylandyrýdy júzege asyrý jáne qurylymnyń aınalym kapıtalyn tolyqtyrý maqsatynda bankten tartylǵan  100 mln. AQSh dollary kóle­min­degi qarjynyń der kezinde qaıtarylýy holdıngtiń halyq­aralyq ınvestorlarmen jaqsy qatynasta ekenine kórneki mysal bola alady. * «Sybaǵa» baǵdarlamasy bastalǵaly 147 myńnan asa iri qara mal satyp alyndy. Agrarlyq nesıe korpora­sııa­synyń baspasóz qyzmeti málim etkendeı, búginge deıin 27,8 mlrd. teńgelik 1972 joba  qarjy­landyrylǵan. Aıta keteıik, baǵdarlama elimizde joǵary deńgeıde júzege asyp keledi. * Almaty oblysynda qa­mys­tan qaǵaz jáne vıskoza shyǵaratyn zaýyt salynady. «Erke-Nur» óndiristik kompanııasynyń basshysy Farıda Merhamıtqyzy jobaǵa ınvestorlar qyzyǵýshylyq tanytyp otyrǵanyn jetkizdi.  Ká­sip­oryn Qyzylaǵash aýyly­nyń ja­nyna ornalasady. Munda qa­mys qopasynyń aýmaǵy 30 myń gektardy quraıtyn kórinedi. *Shymkentte azamattar­dyń tólqujattary men je­ke kýálikteri daıyndalady. IIM-niń dereginshe, qalada aqparattyq-tirkeý ortalyǵynyń fılıaly ashyldy. Onda Ońtús­tik Qazaqstan, Qyzylorda jáne Jambyl oblystarynyń tur­ǵyndary úshin tólqujattar men jeke kýálikter jasalady. Kúnine 1,5 myń jeke kýálik pen 800 tólqujat daıyndaýǵa múmkindigi bar ortalyqty iske qosý úshin respýblıkalyq bıýdjetten 756 mln. teńge jumsalǵan. * Tarazda Qazaq handyǵy týraly tuńǵysh monografııa ja­ryq kórdi. «Qazaq han­dy­ǵy­­nyń qurylý tarıhy» dep ata­la­tyn bul eńbektiń avtory – professor, tarıh ǵylym­da­rynyń doktory Bereket Kári­baev. Mereı­toı qarsańynda shyq­­qan ǵy­lymı eńbek shyǵys derek­­terine súıene otyryp jazyl­ǵan. *Aqtóbede turǵyn úı qury­lysy jalǵasa beredi. Qala ákimi Erhan Omarov atap kór­set­kendeı, bıyl shahardaǵy «Nur-Aqtóbe» shaǵyn aýdanynda jalpy alańy 59,3 myń sharshy metrdi quraıtyn 981 páterlik 18 blok-seksııany paıdalanýǵa berý josparda tur. *Shyǵys Qazaqstanda qus etinen ónim óndiretin zaýyt 70-ten asa taǵam túrin daıarlaıdy. ÚIID baǵdarlamasy boıynsha kásiporynǵa 1,5 mlrd. teńge qaralyp otyr. Munda 200-ge jýyq adam eńbek etedi. Jumys­shylardyń ortasha jalaqysy 200 myń teńgeden joǵary. *Batys Qazaqstanda 5 443,8 mln. teńge kóleminde 2 849 shaǵyn nesıe berildi. Ob­lystyq kásipkerlik jáne ın­dýs­trııalyq-ınnovasııalyq damý basqarmasynyń basshysy Aslan Jaqypovtyń sózine qaraǵanda, shaǵyn nesıelerdiń negizgi bóligi agroónerkásip keshenin damytýǵa baǵyttalǵan. Habarlar Úkimet, oblystyq ákimdikter saıttary, «QazAqparat» agenttigi jáne «Habar», «24» telearnalarynyń derekteri boıynsha daıyndaldy.