Foto: sputnik
Tergeý nátıjesinde prokýrorlar orta mektep esepshisiniń 238 mıllıon teńge bıýdjet qarajatyn zańsyz jymqyrǵanyn anyqtaǵan.
«Aqtóbe qalasynyń prokýratýrasymen esepshi G.-nyń 2019-2024 jyldar aralyǵynda qyzmet babyn paıdalana otyryp, mektep qajettilikterine bólingen 230 mln teńgeden astam bıýdjet qarajatyn ıemdengenin anyqtady. Iemdenip alý shemalary jalaqyny belgilengen normadan tys aýdarý, qos demalys berý arqyly júzege asyrylǵan», dep habarlady oblystyq prokýratýranyń baspasóz qyzmeti.
Aıta keteıik, esepshi G.-nyń is-áreketi QK-niń 189-babynyń 4-bóliginiń 2-tarmaǵymen saralanǵan.
«Arnaıy prokýrorlarmen qylmystyq is máni boıynsha qaraý úshin, Aqtóbe qalasynyń №2 sotyna joldandy. 24.10.2024j. sotpen esepshi G. kináli dep tanylyp, 7 jylǵa materıaldyq jaýapkershilik laýazymdardy atqarý quqyǵynan aıyryldy. Odan bólek 6 jylǵa bas bostandyǵynan aıyrý jazasy taǵaıyndaldy», delingen habarlamada.
