Foto: Syrtqy ister mınıstrligi baspasóz qyzmeti
Suhbat barysynda ekijaqty yntymaqtastyqtyń negizgi máseleleri, atap aıtqanda, Qazaqstan Respýblıkasynyń Prezıdenti Qasym-Jomart Toqaevtyń 2024 jylǵy qańtarda Italııaǵa resmı saparynyń qorytyndysy boıynsha qol jetkizilgen ýaǵdalastyqtardy iske asyrý barysy talqylandy.
Sonymen qatar taraptar «Ortalyq Azııa + Italııa» dıalogy aıasynda, sondaı-aq halyqaralyq uıymdar alańynda ózara is-qımyl máseleleri boıynsha pikir almasty.
Á. Qýantyrov Italııa Qazaqstannyń Eýropa odaǵyndaǵy eń iri saýda áriptesi ekenin habarlady. Qazaq dıplomaty E. Chırıellıdiń elordamyzǵa sapary aıasynda ótken Ekonomıkalyq jáne ónerkásiptik yntymaqtastyq pen almasý jónindegi Qazaqstan-Italııa úkimetaralyq jumys tobynyń 9-shy otyrysynyń sátti ótkenin rızashylyqpen atap ótti.
О́z kezeginde ıtalııalyq dıplomat Rımniń Astanamen strategııalyq áriptestikke dástúrli túrde joǵary mán beretinin rastady. Atap aıtqanda, «Sogesid» kompanııasynyń Aral teńizi aımaqtaryn áleýmettik-ekologııalyq jańǵyrtýǵa baǵyttalǵan jobasy týraly habardar etti.
Osyǵan oraı Syrtqy ister mınıstriniń orynbasary ıtalııalyq taraptyń aýyl sharýashylyǵy, densaýlyq saqtaý, kólik, joǵary bilim, sý resýrstary jáne energetıka salalar boıynsha jumys toptarynyń kezdesýlerin kózdeıtin Ortalyq Azııa men Italııa arasynda bilim almasý jelisin qurý boıynsha is-sharalar josparyn ázirleý jónindegi bastamasyn quptady.
Kezdesý qorytyndysy boıynsha taraptar Qazaqstan-Italııa strategııalyq áriptestiginiń barlyq spektrin nyǵaıtýǵa baǵyttalǵan kópqyrly dıalogty jalǵastyrýǵa kelisti.
