Batyrhan Shókenov Qazaqstanda jerlenedi

ASTANA. 29 sáýir. Kenetten qaıtys bolǵan belgili óner juldyzy, Qazaqstannyń eńbek sińirgen qaıratkeri Batyrhan Shókenovtiń denesi Almatyǵa jetkiziledi. Bul týraly tengrinews.kz habarlady. Qazir osy máselemen marqumnyń aǵasy Baýyrjan Shókenov Máskeýge ketti. Onyń málimdeýinshe, sońǵy kezderi ánshi densaýlyǵynyń syr berip júrgenin aıtqan. Máskeýge ushar aldynda Almaty áýejaıynda tilshilermen kezdesken Baýyrjan Shókenov: «Qazir jerleý máselesin sheship jatyrmyz. Osy jaqqa alyp kelemiz. Biraq odan keıin qalaı bolatynyn bilmeımin. Bul qaıǵyly jaǵdaı onyń páterinde bolǵan. Sol úıde Batyrdyń dırektory da turatyn edi. Ol birden jedel járdem shaqyrǵan. Degenmen, sońy ókinishti aıaqtaldy. Kóp salmaq túsip ketken bolar. Sońǵy kezderi densaýlyǵyna shaǵymdanyp júrgen edi», – dedi. Belgili ónerpazymyzdyń qaıtys bolýyna baılanysty Qazaqstan jáne Reseı estradasynyń juldyzdary qaıǵyryp, áleýmettik jeliler arqyly óz ókinishterin bildirýde. Sondaı-aq, Mádenıet jáne sport mınıstri Arystanbek Muhamedıuly da óz kóńilin bildirip, Qazaqstannyń barlyq óńirinde Batyrhan Shókenovti eske alýǵa arnalǵan konsertter ótetinin aıtty. Ázirge atalǵan sharanyń naqty kúni men ýaqyty belgisiz. Elaman Qońyr. Derek: tengrinews.kz. Sýret: art.gazeta.kz.