Foto: polisia.kz
Polısııanyń málimetinshe, jábirlenýshi elordaǵa jumys babymen kelip, ýaqytsha turý úshin hostelge toqtaǵan. Bólmede zergerlik buıymdar salynǵan sómkesin qaldyryp, sharýalarymen shyǵyp ketken. Áıeldiń joqtyǵyn paıdalanǵan hostel ákimshisi qosalqy kilt arqyly bólmege kirip, sómkeden quny 420 myń teńge turatyn altyn tizbekti urlaǵan.
«Ýchaske» jedel aldyn alý sharasy barysynda Esil aýdany polısııa qyzmetkerleri urlyqqa qatysy bar 34 jastaǵy hostel qyzmetkerin anyqtady. Kúdikti urlaǵan buıymdy lombardqa ótkizip, aqshany óz qajetine jumsaǵan.
Atalǵan fakti boıynsha qylmystyq is qozǵalyp, zattaı dáleldeme ıesine qaıtarylǵan.
