Foto: Oqý-aǵartý mınıstrligi baspasóz qyzmeti
Qatysýshylar baıqaý taqyrybyn jerebe tartyp tańdady jáne juptasyp saıysty. Baıqaý taqyryptary «Ulttyq qundylyq», «Alashshyl jas», «Iskerlik – ismerlik», «Abaıdyń tálim mektebi» jáne t.b jeti bólimge negizdelgen tapsyrmalarǵa bólingen.
«Osy is-sharanyń maqsaty - oqýshylarǵa sóz óneriniń ereksheligi men júıeli sóz saptaý sharttaryn kórsete otyryp, saýatty ári jatyq sóıleý daǵdysyn, mádenıetin qalyptastyrý, sóz ónerimizdiń tarıhı-mádenı jáne etnomádenı bolmysyn tanytý, sheshendik ónerdi jańasha úlgide jandandyryp damytý», deıdi Abaı atyndaǵy respýblıkalyq mamandandyrylǵan daryndy balalarǵa mektep-ınternatynyń oqytýshysy Jarqyn Sálenuly.
Baıqaý qorytyndysy boıynsha Bas júldeni Almaty q. RMMI oqýshylary Amına Smaǵulqyzy men Aısymbat Taqylbek jeńip aldy. 1 oryndy Ulytaý oblysynan kelgen Injý Tileýli men Raýan Jaqsylyq jáne Batys Qazaqstannan kelgen Aıym Hamıdýllına men Aıana Málik ıelendi. Almaty oblysynyń namysyn qorǵaǵan Aqerke Nurjanqyzy men Nursultan Orynbasar jáne Astana qalasynan Aıajan Azamatqyzy men Ǵabıt Rýstemov 2 orynǵa ıe boldy. Qaraǵandy oblysynyń oqýshylary Jibek Qalııaqpar men Aıala Álqazy, aqmolalyq Ajar Januzaq pen Farıza Shamenova 3 oryndy bólisti.
Sonymen qatar óner baıqaýy aıasynda jelilik «Abaı mektepteri» pedagogterine arnalǵan «Qazaq tili men ádebıeti, sheshendik ónerdi damytýdaǵy ózekti máseleler men jetistikter» taqyrybynda respýblıkalyq semınar ótti.
