AirAsia ushaǵyn apatqa ushyrar aldynda ekinshi ushqysh basqarǵan

ASTANA. 29 qańtar. Iаva teńizine qulaǵan AirAsia kompanııasynyń ushaǵyn apatqa ushyrar aldynda ekinshi ushqysh basqarǵan. Bul týraly lenta.ru habarlady. Indonezııanyń kóliktegi qaýipsizdik boıynsha ulttyq komıtetiniń bas tergeýshisi Mardjono Sısvosývarnonyń málimdeýinshe, ushaqta eshqandaı tehnıkalyq ahaý bolmaǵan jáne ekıpajdyń barlyq múshelerine ushýǵa ruqsat berilgen. «Qara jáshik» 11 qańtarda ushaqtyń artqy jaǵy tabylǵan tustan shamamen shaqyrym jerden tabylǵan. Esterińizge sala keteıik, 2013 jylǵy 28 jeltoqsanda Indonezııanyń Sýrabaıa qalasynan Sıngapýrǵa baǵyt alǵan Airbus A320 ushaǵy aldyn-ala apat týraly habar bermesten radarlardyń ekranynan joǵalyp ketken bolatyn. Eki kúnnen keıin Indonezııanyń áskerı áýe kúshteri ushaqtyń qaldyqtaryn Iаva teńizinen tapty. Onyń bortynda bolǵan 162 adamnyń barlyǵy qaza tapty. Aıdar О́risbaev. Derek: lenta.ru. Sýret: afp.com.