Foto: yandex.kz
Alaqan bıometrııalyq servısi – bul qaýipsiz ári yńǵaıly tólemder, ony baqylaý jáne derekterdi esepke alý úshin alaqan tamyrlarynyń sýreti boıynsha jeke tulǵany sáıkestendirý salasynda paıdalanatyn ınnovasııalyq bıometrııalyq júıe. Tehnologııa kartalardy, qolma-qol aqshany nemese mobıldi qurylǵylardy paıdalanbaı-aq tólem jasaýǵa jáne avtorızasııalaýǵa múmkindik beredi.
«Bul júıe adamǵa áreket erkindigin beredi. Alaqan qazirdiń ózinde mektepterde qoldanylyp jatyr jáne Alaqan Mektep ekojúıesi retinde belgili. Onyń arqasynda bala alaqanynyń kómegimen mektepke kiredi, tamaq satyp alady, kitaphanadan kitap alady, shkafyn ashady jáne munyń bárin ata-analar baqylaı alady. Búgingi tańda Alaqan Mektep júıesi birneshe óńirdiń oqý oryndaryna engizildi, qazirdiń ózinde 300-ge jýyq mektep qosyldy. Bul jobamyzdy arab elderinde de usyndyq, onda bizdiń ázirlememiz tólem júıesi retinde qoldanylady. Erteń biz Sıngapýrǵa ushqaly otyrmyz, ıaǵnı, Ońtústik-Shyǵys Azııa naryǵyn ıgeremiz», dedi Alaqan kompanııasynyń negizin qalaýshy Berik Nurymbetov.
