Foto: parlam.kz
«Strategııalyq nysandardy jekeshelendirýge sáıkes túsiniksiz sheshimderge bári úırenip qalǵan, sondyqtan bul aqparat kúmán týdyrǵan joq, biraq azamattardyń, onyń ishinde derbes derekterdi qorǵaý salasyndaǵy sarapshylardyń ádil narazylyǵyn týdyrdy. Bul rette mundaı áreketter zańnama novellalarynda kózdelgen. Memlekettik korporasııanyń qyzmeti týraly zań jyldyń basynda qabyldandy. Zańmen qujattardy qabyldaý jáne berý úderisterine, derekterdi qorǵaýǵa jáne kórsetiletin qyzmetti alýshylardyń aýtentıfıkasııa erekshelikterine qatysty áriptestik uıymdarǵa talaptar engizildi», deıdi depýtat.
E. Smyshlıaevanyń aıtýynsha, bul sol kezde jumys istep turǵan 20-dan astam jeke uıymnyń rettelmeıtin, baqylaýsyz «kómekshilerdiń» búkil naryǵynyń jumysyn retke keltirý úshin jasaldy.
Sonymen qatar zańǵa táýeldi aktilerde seriktestik uıymdardyń derbes derekterdi qorǵaý bóligindegi talaptary men jaýapkershiligin kúsheıtý de asa mańyzdy ekenin aıtty.
«Olar talaptar men erejelersiz, pılottyq jobalar aıasynda nemese kóleńkede jumys istedi. Ol úshin memlekettik qyzmet resmı túrde eki bólikke bólindi – bul qujattardy berý, qabyldaý jáne qyzmettiń ózi. Bul tásil jeke uıymdardyń derekterimen, sonyń ishinde jeke málimettermen jumys isteýge qatysty prosedýralarǵa qatysýyn naqty shekteýge múmkindik berdi. Zań is júzinde memlekettik fýnksııalardy naryqqa berýge múmkindik bergen joq, óıtkeni seriktester úshin bul tek nátıjelerdi qabyldaý jáne berý týraly boldy. «Az sóıle, kóp iste» degen jaqsy maqal bar. Jekeshelendirý týraly arandatýshylyq málimdemeler jasaýdyń ornyna, memlekettik korporasııa ózekti máselelerdi sheship, zańnamalyq novellalardy iske asyrý jónindegi jumysty jandandyrýy qajet», dedi ol.
Sóz sońynda depýtat fraksııa memlekettik korporasııanyń jumysy týraly zańnyń normalaryn onyń durys jáne qaýipsiz qoldanylýy bóliginde paıdalaný quqyǵyn baqylaýda ustaıtynyn atap ótti.
