Áýejaılar áleýeti artady

Keshe Ortalyq kommýnıkasııalar qyzmetinde memlekettik áýejaılar jelisin damytý taqyrybynda brıfıng ótti. Oǵan «Airport Management Group» kompanııasynyń bas dırektory Klod Banan men onyń orynbasary Asqar Muratbaev jáne quqyqtyq departament dırektory Dáýren Sháripbaev qatysty. «Qazaqstan temir joly» UK» AQ qurylymynda áýejaılardy basqarýdyń arnaıy kompanııasy retinde qurylǵan «Airport Manage­ment Group» JShS holdınginiń qaramaǵyna 11 áýejaıdy shoǵyr­lan­dyrý josparlanypty. «Byltyr Astana, Kókshetaý, Petropavl, Qos­tanaı, Shymkent, Qyzylorda áýe­jaılary 7 jyldyq merzimge «Airport Management Group» kompa­nııasynyń senimdi basqarýyna berildi. Bizdiń negizgi mindetimiz – áýejaılarda halyqaralyq talaptarǵa saı qaýipsizdik júıelerin engizý, halyqqa qyzmet kórsetý sapasyn art­tyra otyryp, áýejaılardyń ınfra­­qurylymyn damytý boıyn­sha uzaq merzimdi jospar qurý. Aıt­­q­andaı, jalpy basqarýshy kom­panııanyń qaramaǵyna 11 áýe­jaıdy shoǵyrlandyrý jospar­lan­ǵan. Joǵaryda aıtylǵan áýejaı­lar qataryna taǵy Atyraý, Aqtóbe, Pav­lodar, О́skemen jáne Semeı áýejaı­larynyń aktıvterin senimdi bas­qarýǵa alý kózdelgen», dedi K.Banan. El áýejaılarynyń birqataryna iri kólemde ınvestısııalar tartylyp, salynbaq kórinedi. «Mem­leket basshysynyń «Nurly Jol» Joldaýynda áýejaılardy damytýǵa zor kóńil bólingen. Osyǵan baılanys­ty, 2015-2017 jyldar araly­ǵynda Astana, Qyzylorda, Petro­pavl, Qostanaı áýejaılarynyń ınfra­qurylymyn damytyp, ushyp-qoný alańdaryn, jolaýshylar termınalyn jańǵyrtý boıynsha iri jobalar júzege asyrylady. Astanadaǵy halyqaralyq áýejaıda jańa jolaýshylar termınaly salynady. Al eskisi ishki reısterge arnalatyn bolady. Sonymen qatar, Shymkent áýejaıynyń da jańa jobasy bas­taldy. Al, Petropavl men Qosta­naı áýejaılarynda da osyndaı jumystar júrgiziledi. Atap aıtqan­da, ­jolaýshylar termınaly jóndeý­den ótkizilip, ushý-qoný jolaqtary jańǵyrtylady. Osynda atalǵan áýejaılardyń ınfraqurylymyna salynatyn ınvestısııalardyń jalpy quny 99 mlrd. teńge bolady», dedi kompanııanyń bas dırektory. Astana áýejaıyndaǵy jolaýshylardy tamaqtandyrý sapasyn jaqsartý máselesi de nazarǵa ilikti. Jaýapty kompanııa osy salany álemdik dárejedegi mamandarǵa tapsyryp, joǵary dárejede qyzmet kórsetýdi jón sanapty. «Bıyl negizgi basymdyq qyzmet kórsetýdiń halyqaralyq standarttaryna ótýge baǵyttalady. Iаǵnı, qyzmet kórsetý salasy joǵarylaıdy degen sóz. Qazir biz Astana áýejaıyna jolaýshylarǵa jerde de, áýede de sapaly qyzmet kórsete alatyn halyqaralyq kóshbasshy kompanııa­larmen kelissózder júrgizip jatyrmyz. Naqty aıtqanda, bortta tamaqtandyrý salasyndaǵy álemdik kóshbasshy kompanııalardyń birin Astana áýejaıynda qyzmet kórsetýge shaqyrdyq. Bıyl áýejaı mańynda bort taǵamdaryn ázirleıtin seh iske qosylady. Al áýejaı ishindegi qyzmet kórsetýge keler bolsaq, bul rette de biraz ózgerister bolady. Naqtyraq aıtsaq, qyzmet kórsetý salasy kommersııalandyrylyp, kez kelgen ekonomıkalyq qyzmettiń qatysýshysyna, ásirese, jolaýshylarǵa qyzmet kórsete­­­tinderge áýejaıdyń qoıatyn talaptary kúsheıtiledi. Bul talaptardyń barlyǵy jolaýshylardyń kóńilin tabýǵa arnalatyn bolady», dedi A.Muratbaev. Onyń aıtýynsha, Astana áýe­jaıyn­daǵy dúkender men dámha­na­lardyń baǵalary aıtarlyq­taı tómendetiledi. «Biz budan bylaı áýejaı aýmaǵyndaǵy barlyq qyzmet kórsetý naryǵynyń qaty­sýshylaryna birdeı talaptar qoıa alamyz. Sondyqtan baǵa týraly másele bizdiń basty nazarymyzda. Bıylǵy jyldyń birinshi jartysyna deıin Astana áýejaıyndaǵy baǵalar tolyq retteledi. Bul sharalar jolaýshylarǵa tikeleı qyzmet kórsetetin barlyq qatysýshylarǵa jasalady», dedi ol. Nurbaı ELMURATOV, «Egemen Qazaqstan».