Foto: Ashyq derekkóz
Mádenıet jáne aqparat mınıstrliginiń málimeti boıynsha, Qazaqstanda 25 myńnan astam tarıhı-mádenı mura nysandary bar. Onyń ishinde 12 myńnan astamy respýblıkalyq jáne jergilikti mańyzy bar tarıh jáne mádenıet eskertkishteriniń Memlekettik tizimine ense, 13 myńǵa jýyǵy tarıhı-mádenı mura obektilerine jatqyzylǵan.
«Qazaqstan Respýblıkasy «Tarıhı-mádenı mura obektilerin qorǵaý jáne paıdalaný týraly» Zańynyń 10 jáne 11-baptaryna sáıkes olardyń jaı-kúıine monıtorıng júrgiziledi. Memlekettik tizbede tehnıkalyq jaǵdaıy nasharlaǵan jáne ǵylymı qalpyna keltirý jumystaryn qajet etetin obektiler aıqyndalady. Odan keıin qalpyna keltirý jumystaryn júrgizý úshin memlekettik organdarǵa usynymdar jiberiledi», delingen habarlamada.
Vedomstvonyń habarlaýynsha, jergilikti mańyzy bar eskertkishterdi restavrasııalaý jumystary jergilikti bıýdjetten, al respýblıkalyq mańyzy bar eskertkishter boıynsha respýblıkalyq bıýdjetten qarjylandyrylady.
«Bıyl respýblıkalyq bıýdjetten 33 eskertkishke ǵylymı restavrasııa jasaldy, onyń 9-y kesene, onyń ishinde Qoja Ahmet Iаsaýı, Asan ata, Oqshy ata, Shoqaı datqa, Súıinbaı Aronuly, Syrlytam jáne Júsip ata keseneleri», delingen habarlamada.
