«Gúlderdiń» jeńisi

Horeograf Djordj Balanchınge ar­nalǵan bul baıqaý Kýtaısıde ótti. Oǵan Qa­zaq­stan, Latvııa, Grýzııa, Es­tonııa balet mektepteriniń ókilderi qatysty.

Bedeldi óner doda­synda «Gúlder» an­sambliniń bir­qatar talant­ty ártisi baq synap, «Halyq bıi», «Qa­zirgi zamanǵy horeografııa» atalymdaryna otandyq ho­reo­graf­terdiń qoıǵan nó­mirleri usynyldy.

Ansambl músheleri qazaq horeografııasynyń sulýlyǵy men tereńdigin álemdik sahnada tanyta otyryp, el mádenıetin jo­ǵa­ry dárejede kórsete aldy. Ártisterdiń kásibı she­ber­ligin qazylar alqasy jo­ǵary baǵalady. Atap aıtsaq, Aqqanat Smaǵulova, Ánel Jumadildına, Rús­tem Ámirbekov úsh birdeı birinshi oryndy jeńip aldy. Al ekinshi oryndy Alan Muhtar ıelendi.

Baıqaýǵa ónerpazdardy «Gúlder» ansambliniń bas baletmeısteri Anvara Sa­dyqova men Alıla Alı­sheva, Gúlnara Saıtova, Almat Sham­shıev, Ásel Abakaeva, Ámına Samarbaeva, Aı­dar Ahmadıev, Dana Qýanyshbekova syndy tá­jirıbeli pedagog-ho­reo­graf­ter daıarlap, je­tek­shilik etti. Qa­zaq hal­qy­nyń ulttyq erek­she­ligin aıshyqtaıtyn sah­na­lyq kostıýmderdi Ásel Luqpanova men Natalıa Protasova daıyndady.

Djordjo Balanchınniń esimi álemdik balet óne­riniń tarıhynda altyn árippen jazylǵanyn eskersek, baıqaýda joǵary mara­pattarǵa ıe bolý — elimiz úshin úlken mártebe.