Qoǵam • 14 Qarasha, 2024

Astanada «WorldSkills Kazakhstan 2024» ulttyq chempıonaty bastaldy

1 mın

oqý úshin

2024 jyldyń 14-16 qarasha aralyǵynda Astanada jumysshy mamandyqtary boıynsha «WorldSkills Kazakhstan 2024» ulttyq chempıonaty ótedi, dep habarlaıdy Egemen.kz Oqý-aǵartý mınıstrliginiń baspasóz qyzmetine silteme jasap.

Qyrmyzy JUMAǴALIQYZY

Astanada «WorldSkills Kazakhstan 2024» ulttyq chempıonaty bastaldy

Foto: Oqý-aǵartý mınıstrligi

Vedomstvonyń málimetinshe, bıylǵy chempıonatta Qazaqstannyń barlyq óńirinen 555 qatysýshy 30 túrli mamandyq boıynsha óz sheberlikterin kórsetedi.

Ulttyq chempıonatty ashý saltanatynda oqý-aǵartý mınıstriniń birinshi vıse-mınıstri Natalıa Jumadildaeva WorldSkills qozǵalysynyń álemde jumysshy mamandyqtarynyń bedelin kóterýge kómektesetin mańyzdy qural ekenin aıtty. Búginde bul qozǵalys 89 eldi biriktiredi jáne Qazaqstan da osy elder qatarynda.

«Jyl saıyn bizdiń stýdentter halyqaralyq arenada jaqsy nátıje kórsetip keledi. Osy qyrkúıekte ulttyq qurama Fransııada ótken chempıonatta 6 aıyrmashylyq medalony men «Ult úzdigi» ataǵyn jeńip alyp, buryn-sońdy bolmaǵan jeńiske jetti. Bul Memleket basshysynyń qoldaýynyń arqasynda múmkin boldy. Kolledjderge qabyldaý oryndary 145 myńǵa kóbeıip, stýdentterdiń shákirtaqysy eki esege ósti», dedi Natalıa Jumadildaeva.

Sonymen qatar chempıonatta kolledj stýdentteri kirpish qalaý, avto jóndeý, bastaýysh synyptardy oqytý, bızneske arnalǵan IT-sheshimder, aspazdyq, shashtaraz óneri jáne basqa da mamandyqtar boıynsha óz daǵdylaryn kórsetedi.

Aıta keteıik, «WorldSkills Kazakhstan 2024» chempıonatynyń jeńimpazdary ulttyq quramanyń qataryna qosylyp, kelesi jyly qyrkúıek aıynda Danııada ótetin EuroSkills-2025 halyqaralyq chempıonatynda Qazaqstannyń atynan qatysady.