Aqtóbede oblystyq soty elektrondy servıstiń qyzmetin túsindirdi

AQTО́BE. 30 qańtar. Aqtóbe oblystyq soty «Sot kabıneti» elektrondy aqparat servısiniń jumysyna túsinik berýge arnalǵan kóshpeli jınalys ótkizdi. Bul týraly egemen.kz tilshisi habarlady. Jınalysqa «Halyqqa qyzmet kórsetý ortalyǵy» Aqtóbe qalalyq fılıalynyń orynbasarlary E.Karastekov, S.Nýgmanova, Aqtóbe oblystyq soty keńse basshysynyń orynbasary A.Mýsına, barlyq qalalyq jáne mamandandyrylǵan sottardyń keńse meńgerýshileri, tálimgerler men ınspektorlar qatysty. Sonymen qatar, Hromtaý aýdandyq HQKO mamandarymen jáne Mártók aýdandyq sotynyń keńse meńgerýshisi D.Bekmýhambetovamen, Mártók aýdandyq HQKO mamandarymen «Sot kabıneti»  aqparattyq servısi arqyly elektrondyq qujattardy jiberý jóninde kóshpeli túsindirý jumystary uıymdastyryldy. Elektrondyq aqparattyq júıe «Sot kabınetiniń» tıimdiligi boıynsha túsinik jumystaryn júrgizý Muǵaljar, Qarǵaly jáne Yrǵyz aýadnadarynda da jalǵasyn tapty. Búgingi kúnge deıin atalmysh servıstiń qoldaný aıasyn keńeıtý maqsatynda ekijaqty qol qoıylǵan ózara yqpaldastyq jónindegi hattamanyń negizinde Aqtóbe oblysyndaǵy Halyqqa qyzmet kórsetý ortalyǵy fılıaldary arqyly 146 talap aryz joldanǵan. «Sot kabıneti» servısi ótinish berýge, shaǵym jasaýǵa jáne qoldaý hatty elektrondy túrde daıyndaýǵa arnalǵan. Sondaı-aq ol memlekettik bajdy onlaın-tólem arqyly shyǵarýǵa múmkindik jasaıdy. Qoldanýshy ózine kez kelgen yńǵaıly ýaqytta sot qujattaryn qaraýǵa, is boıynsha tarıhyn nemese sot aktilerin shyǵaryp alýyna bolady. Jańa elektrondyq qyzmet kórsetýler taraptardyń, sondaı-aq memlekettiń qarjysyn jáne ýaqytyn únemdeýge baǵyttalǵan. Satybaldy Sáýirbaı. Derek: egemen.kz. Sýret: akt.sud.kz.