Qyrǵyzstanda fransýz taýarlaryna boıkot jarııalaý bastaldy

ASTANA. 30 qańtar. Keshe Qyrǵyzstannyń ońtústiginde fransýz taýarlaryna boıkot jarııalaý aksııasy bastaldy. Bul týraly Interfax habarlady. «Qyrǵyz musylmandary Charlie Hebdo jýrnalynyń Muhammed paıǵambarǵa karıkatýra salyp, kelemejdegeni úshin turǵyndardy fransýz taýarlaryn satyp almaýǵa shaqyrdy», - dep jazady agenttik. Qazir Qyrǵyzstannyń Osh oblysynda paıǵambarǵa taǵzym etý aptalyǵy júrip jatyr. Muhammed ǵaleıs-salamnyń ómir joly men ósıetteri týraly Osh oblysy Qarasý aýdanynyń bas ımamy Sýıýn-qajy Kalykov barlyq meshitterde aıtyp beredi. Oblystyń Nookat aýdanynda «Men paıǵambardy jaqsy kóremin» degen uranmen sherýler ótkizý qolǵa alyndy. Oǵan qatysýshylar jergilikti turǵyndardy fransýz zattaryn satyp almaýǵa úgitteıdi. Sonymen birge, ortalyq bazarda belsendiler fransýz ıissýlarynan bas tartý aksııasyn bastap ketti. Oshtyń ortalyq bazary Qyrǵyzstannyń ońtústigindegi eń úlken saýda ortalyǵy bolyp tabylady. Soǵan qaramastan, munda fransýz taýarlarynan tek ıissýlar ǵana bar eken. Murat Aıtqoja. Derek, foto: Interfax.