Lozanna soty Mýhanovtyń zańsyz qýylǵanyn anyqtady

ASTANA. 30 qańtar. Lozannanyń halyqaralyq sport soty fýtbol mamany Vladımır Mýhanovtyń «Aqtóbe» komandasy bas jattyqtyrýshylyǵy laýazymynan zańsyz qýylǵanyn anyqtady. Bul týraly Fanatik.kz portaly habarlady. «Lozanna arbıtrajdy soty 2012 jyly Reseı mamany Vladımır Mýhanovtyń «Aqtóbe» fýtbol klýbynan zańsyz qýylǵanyn moıyndady», delingen Legal Sport zańgerler kompanııasynyń jattyqtyrýshy múddesin qorǵaýshy qyzmetkeri Mıhaıl Prokopestiń deregine silteme jasalǵan habarlamada. Osylaı «Aqtóbe» klýby jattyqtyrýshyǵa 2012 jylǵy jalaqasyn paıyzdyq ósimimen qosyp tóleıdi. «Sport sotynda barlyq materıaldar zertteldi, taraptardyń bári tyńdaldy, - dedi zańger Prokopes osyǵan oraı. – Máselen, «Aqtóbe» basshylary ózderiniń túsindirmelerin beıne-máslıhat túrinde berdi. Is jan-jaqty qaralyp, jańa sheshim shyǵaryldy. Ol boıynsha klýb jattyqtyrýshyǵa 2012 jylǵy jalaqysyn túgel tólep qana qoımaıdy, sonymen birge zańgerlerdi jaldaǵan, sotqa jumsalǵan shyǵyndaryn tóleýdi moınyna alady. Sottyń sheshimin oryndaý úshin «Aqtóbege» aıtarlyqtaı qomaqty aqa shyǵarýǵa týra keledi». Damır Qojamqul. Derek: Fanatik.kz. Foto: vesti.kz.