Senat tóraǵasy Japonııa elshisimen kezdesti

Palata spıkeri dıplomatqa eki eldiń yntymaqtastyǵyn nyǵaıtýǵa jáne Astana men Tokıo arasyndaǵy saıası-ekonomıkalyq baılanysty arttyrýǵa qosqan úlesi úshin alǵys bildirdi. Suhbat kezinde ekologııa, energetıka, aýyl sharýashylyǵy, ǵylym, joǵary bilim jáne ádilet salasyndaǵy ózara tyǵyz qarym-qatynas ornaǵany sóz boldy.

Sonymen qatar M.Áshimbaev Japonııa Qazaqstannyń Azııa-Tynyq muhıty óńirindegi mańyzdy seriktesi ekenin atap ótti. Osyǵan baılanys­ty ol eki eldiń parlamentaralyq qa­ty­nastaryn odan ári jandandyrý qajet­tigine nazar aýdardy.

«El Prezıdenti Qasym-Jomart Toqaev Qazaqstan men Japonııa arasyn­daǵy yntymaqtastyqty nyǵaıtýǵa basa mán berip keledi. Búginde «Ortalyq Azııa+Japonııa» formaty nátıjeli jumys istep kele jatyr. Osy oraıda biz Japonııanyń Ortalyq Azııa elderimen Dostyq parlamenttik lıgasynyń qurylýyn qoldaımyz. Elderimiz arasyndaǵy tranzıttik-kólik­­tik, energetıkalyq, sý jáne basqa da sala­lardaǵy yntymaqtastyqty ilgeri­letý uzaqmerzimdi ózara tıimdi seriktes­tikke yqpal etedi», dedi M.Áshimbaev.

Senat tóraǵasy osyǵan deıin Qazaq­stan men Japonııa arasynda túrli salada, atap aıtqanda, sýmen jab­dyqtaý jáne medısınalyq ınfraqu­rylymdy jaqsar­tý baǵytynda ekijaqty ynty­maq­tas­tyqtyń birlesken jobalary men baǵdarlamalary tabysty iske asy­ryl­ǵanyn da aıtty. Bul rette Japo­nııa­­nyń zertteý ortalyqtarynda qazaq­standyq ǵalym­dardyń ǵylymı taǵylymda­mala­ry uıymdas­tyrylǵanyn atap ótken jón.

О́z kezeginde elshi Qazaqstan tarapy­na belsendi ózara is-qımyl úshin alǵy­syn bildirip, elimizde júrgizilip jat­qan qoǵamdyq-saıası ózgeristerdi joǵary baǵa­lady. Sondaı-aq ol Qazaqstan men Japonııa arasyndaǵy yntymaqtastyqty odan ári nyǵaıtýǵa múddeli ekenin bildirdi.