Foto Senattyń baspasóz qyzmeti
Senatorlardyń, sarapshylar men qoǵam qaıratkerleriniń qatysýymen ótken jumys tobynyń alǵashqy otyrysynda qujat múgedektigi bar balalarǵa neǵurlym tıimdi áleýmettik jáne medısınalyq-pedagogıkalyq qoldaýǵa qol jetkizýdi qamtamasyz etýge múmkindik beretini aıtyldy.
«Bir top Senat depýtattary múgedektigi bar balalarǵa jańa múmkindik ashatyn zań ázirleýge kiristi. Bul áleýmettik jáne medısınalyq-pedagogıkalyq kómekti jaqsartý máselelerin ǵana emes, sonymen qatar olardy ómirdiń barlyq kezeńinde qoǵamǵa kiriktirýge jaǵdaı jasaýdy qamtıtyn keshendi qujat», dedi senator Amangeldi Tolamısov.
Múgedektigi bar balalardy áleýmettik jáne medısınalyq-pedagogıkalyq qoldaý týraly qoldanystaǵy zań 2002 jyly qabyldanǵan bolatyn. Oǵan osy kezge deıin 70-ten astam túzetý engizildi.
Parlamentshilerdiń aıtýynsha, qujat qazirgi zamanǵy ahýal men halyqaralyq standartqa sáıkes kelmeıdi. Jumys tobynyń otyrysyna qatysýshylar qoldanystaǵy zańǵa uǵymdardy naqtylaýmen qosa, 18 baptyń 16-syna memlekettik jáne jeke uıymdar arasyndaǵy is-qımyldardy erte anyqtaý jáne úılestirý tetigin jaqsartý týraly ózgerister engizý qajettigin atap ótti.
