Mustafa Kábenuly Ábdirahman 1954 jyly 23 qarashada Túrkııadaǵy Musahodjaly aýylynda týǵan. Basylymdardyń jazýynsha, Mustafa О́ztúriktiń úlken naǵashysy áıgili balýan Qaıysbaı Iisuly degen kisi bolǵan eken.
Mustafa О́ztúrik Ystanbuldaǵy orta mektepti bitirgennen keıin, Taıvandaǵy eksperımentaldy ýnıversıtetti jáne sol eldegi Halyqaralyq qatynastar ýnıversıtetiniń jýrnalıstıka fakýltetin qosa bitirdi. Osy elde júrip, Koreıdiń kóne sport óneri - taekvondony úırendi. Ol jerde taekvondo sportynan úzdik mártebe aldy, 6-shy dan dárejesin ıelendi. Sonymen qatar halyqaralyq jattyqtyrýshy mamandyǵyn aldy.
Keıin Túrkııaǵa qaıtqannan soń Ystanbulda alǵashqy taekvondo mektebin ashty. Osy mektepten shyqqan onyń bir sypyra shákirtteri Túrkııanyń taekvondo federasııasynda joǵary qyzmetterde bolǵan. Germanııanyń Mıýnhen qalasyna qonys aýdarǵan Mustafa О́ztúrik osy qalada da óziniń taekvondo mektebin ashqan.
Al 1990 jyly kúzde О́ztúrik qazaq jastaryn taekvondoǵa baýlý úshin Qazaqstanǵa birjola ornyǵyp, 1991 jyly Qazaqstan taekvondo federasııasyn qurady. 1992 jyly Qazaqstan Halyqaralyq taekvondo federasııasynyń (WTA) múshesi bolady. Osy jyly Mustafa О́ztúrik Qazaqstan azamattyǵyn alady.
Mustafa О́ztúrik 1995 jyldyń 15 naýryz kúni Almaty qalasyndaǵy QR Prezıdenti Is basqarmasy Medısınalyq ortalyǵynyń Ortalyq klınıkalyq aýrýhanasynda qaıtys boldy. Qaryndasy Ferýhannyń jáne týystarynyń sheshimimen Mustafa О́ztúrik Ystanbuldaǵy qazaqtar kóptep turatyn Gúneshli aýdanyndaǵy zıratqa óziniń ákesiniń janyna jerlenedi.
