Foto: ashyq derekkóz
Donald Tramp Ýkraınadaǵy qaqtyǵysty kelissóz arqyly retteýge tyrysatynyn málimdegen edi. Ol Ýkraınadaǵy qaqtyǵysty bir kúnde sheshe alatynyn birneshe ret aıtqan. Reseı tarapy bul qarapaıym jolmen ońaı sheshile salatyn másele emes dep sanaıdy. Tramp AQSh-tyń Ýkraınadaǵy qaqtyǵysqa degen kózqarasyn birneshe ret synap, Zelenskııdi de synǵa aldy. Ol Zelenskııdiń árbir sapary mıllıardtaǵan dollarlyq kómekpen aıaqtalatynyn aıtty.
«Tramptyń jospary júzege asýy úshin oǵan qyzmetke kirisýdiń qajeti joq, tek taraptardy sendirý kerek. Tramp jaqyn arada Kıev pen Máskeýge baryp, qaqtyǵysty toqtatýdyń tehnıkalyq mán-jaıyn talqylaýy múmkin», dedi sarapshy.
Onyń aıtýynsha, Tramptyń usynysy qarapaıym - qaqtyǵysty toqtatý.
«Usynys atysty merzimsiz toqtatýdy jarııalaýdy jáne qazirgi maıdan aýmaǵyn «fızıkalyq shekaraǵa» aınaldyrýdy qamtıdy. Barlyq mán-jaıdy qosa alǵanda, Ýkraınadan NATO-ǵa múshe bolý týraly ótinishin ýaqytsha toqtatý suralady. Qarapaıym tilmen aıtqanda, bul bitimgershilik kelisim emes, qaqtyǵysty merzimsiz toqtatý», dedi ol.
