«Ulttyq kıim ol – tek qana kollorıt qana emes, ol – ulttyń ózi. Sonymen qatar bul ıdeologııalyq qural. Shapan, kájekeı, sháı kóılek, shirkin qazaqtyń ulttyq kıimine jetetin sulýlyq bar ma? Oıýy da sóıleıdi, pishini men boıaýy da tunyp turǵan tarıh. Keıingi jyldary ulttyq kıimge degen suranys artqany baıqalady. Sondyqtan da bolar, ulttyq kıim tigýmen aınalysatyn sheberler qatary da kóbeıip jatyr. Sondaı jandardyń eńbekterin elge nasıhattaý, ózderin yntalandyra túsý, ózgelerdi de osy kásipke tartý maqsatynda osyndaı is-shara uıymdastyrdyq», deıdi Sátbaev qalalyq mádenıet jáne tilderdi damytý bóliminiń basshysy Qanat Tólesh.
Festıval-baıqaýǵa qatysýshylar óz qoldarynan shyqqan egde jastaǵylarǵa, qyz-kelinshekterge, bozbalalar men boıjetkenderge arnalǵan kıim, ulttyq bas kıim, júnnen, kıizden, bylǵarydan jáne ań terisinen tigilgen jańa úlgilerdi usyndy, etnostıldegi sahnalyq sándi kıimder men mektep oqýshylarynyń oqý formalaryn jáne t.b. ortaǵa saldy. Olardyń qaısysy bolsyn tartymdylyǵymen erekshelenip turdy.
Festıval-baıqaýdyń qorytyndysynda altyn jippen kestelengen qasaba, jyltyr tastarmen bezendirilgen kımeshek pen qarqara jáne t.b. erekshe dúnıeler usynǵan sheber Baqytkúl Balǵabaevanyń eńbegi aıryqsha baǵalandy.
Ulytaý oblysy,
Sátbaev qalasy
