Jylytý maýsymy kezindegi órt qaýipsizdigi

Turǵyn úıler men páter­­lerdegi tur­mys­tyq órtterdiń negizgi se­bep­teri – jylytý júıeleri men qon­dyrǵylaryn paıdalaný kezinde órt qaýipsizdigi ereje­lerin óreskel buzý, peshpen jy­lytý, elektr jelisin shama­dan tys júkteý, sondaı-aq qa­ra­paıym nemquraılylyq. О́tken demalys kúnderi Tótenshe jaǵ­daı­lar mınıstrliginiń (TJM) qut­qa­rýshylary elordada jáne oǵan irgeles ornalasqan Aqmola oblysynyń eldi mekenderinde jappaı profılaktıkalyq reıd uıymdastyrdy. Bul is-shara «Biz qaýipsizdik úshin» degen aýqymdy baǵ­darlamanyń bir bóligi retinde júr­­gi­zildi. Negizgi maqsat – órt qa­ýip­­sizdiginiń aldyn alý, adam shy­­ǵy­nyn azaıtý, tótenshe jaǵ­daı­­lar­dy bolǵyzbaý. Jylytý bas­­tal­ǵaly beri elimizde 913 órt tir­kel­gen. Saldarynan 41 adam qaza taýyp, 28 adam jaraqat alǵan.

TJM О́rtke qarsy qyzmet komıteti tóraǵasynyń orynbasary Erlan Tóregeldıev reıd júrgizýdiń mańyzdy is-shara ekenin aıtyp berdi.

«Elorda jáne oǵan irgeles orna­lasqan eldi mekenderdegi órt jaǵdaıynan saqtandyrý maq­satynda jappaı profı­lak­tı­ka­lyq reıd júrgizý – óte ma­ńyzdy ju­mys. Ásirese jeke úılerdi jy­lytý kezinde elektr aspaptaryn paıdalaný ere­je­lerin durys saq­tamaý salda­ry­nan qaýipti aı­maq­tyń birine aı­nal­dyq», dedi ol.

Reıd barysynda peshpen jylytylatyn úılerge erekshe nazar aýdaryldy. Qutqarýshylardyń aıtýynsha, órt oqıǵalarynyń basym bóligi osy jeke úılerde oryn alady. Peshter jaramdy kúıde bolýy, órt qaýipsizdiginiń barlyq talabyn saqtaýdy eskere otyryp jabdyqtalýǵa tıis. Peshterdi paıdalaný kezinde tútin joldary men peshterdi kúıeden tazartý, janǵysh shatyrdyń ústindegi tútin qubyrlarynda ushq­­ysh ustaǵysh metall torlardyń bolýy, otyndy, basqa da jan­ǵysh zattar men materıaldardy ot­tyq­ta ornalastyrý, janyp jatqan peshti qaraýsyz qaldyrmaý syndy qarapaıym talaptardy saqtaý kerek. Osyndaı is-sharalar órttiń aldyn alýǵa múmkindik beredi.

Qutqarýshylar men volonterler turǵyn úılerdi aralap, túsindirý jumystaryn júrgizdi. Árbir úıdiń turǵyndaryna jylytý qurylǵylaryn durys qoldaný, elektr symdaryn tekserý, órt sóndirý quraldaryn tolyqtyrý sekildi is-áreketterdiń tártibi túsindirildi. Úsh balanyń anasy Aıjan Jumabaeva adam qaýipsizdigin qamtamasyz etýdi qolǵa alǵan mamandardyń jumy­syna alǵysyn bildirdi.

«Biz elektr qurylǵylaryn qalaı durys paıdalaný kerek ekenin to­lyq uǵyndyq. Qut­qa­rý­shylar úıge kelip, peshtiń tútin shy­ǵa­ra­tyn bóligin tekserip berdi. Endi bala­larymnyń qaýipsizdigine senim­dimin», dedi ol.

Reıd barysynda qutqa­rý­shy­lar áleýmettik osal toptaǵy tur­ǵyndardyń úılerine tútin men ý­ly gazdy anyqtaıtyn aqyldy qu­­rylǵy ornatyp berdi. Bul qa­ýip­ti jaǵdaıdy erte anyqtap, dy­bys­­tyq dabyl qaǵý arqyly tur­­ǵyn­­darǵa qaýiptiń aldyn alýǵa kó­mektesedi.

«Astanadaǵy órt oqıǵala­ry­nyń sany jyl saıyn artyp barady. Bıyldyń ózinde 635 órt tir­­­keldi. Jeke turǵyn úılerdegi jy­­lytý qurylǵylary men elektr jab­­dyqtaryn durys paıdalan­baý, qaýipsizdik erejelerin saq­ta­­maý – qaıǵyly oqıǵalardyń bas­ty sebep­teri bolyp tur», deıdi qut­­qa­rý­­shylar­.

Reıd órttiń aldyn alýǵa ba­ǵyt­­­­talǵan aýqymdy jumystyń bir bóligi ǵana. Mundaı ıgi sharalar tótenshe jaǵdaılardyń sanyn azaı­­typ qana qoımaı, halyqtyń qa­­ýip­sizdik deńgeıin arttyrýǵa múm­­­kindik beredi. Qutqarýshylar al­daǵy ýaqytta bul tájirıbeni bas­qa óńirlerde de qoldanýdy jos­parlap otyr.