Foto: Astana qalasy ákimdigi
Elorda ákimdiginiń resmı saıtynyń málimdeýinshe, bul – Varkey Foundation bekitken jahandyq muǵalimder syılyǵy halyqaralyq baıqaýy sheńberinde «Qazaqstan muǵalimi-2024» ulttyq syılyǵynyń ıegeri retinde 10 úzdik ustaz anyqtaldy. Baıqaýdyń maqsaty – ustazdyq mamandyqtyń mańyzdylyǵyn kórsetý ǵana emes, sonymen qatar úzdik muǵalimderdiń eńbegin halyqaralyq deńgeıde kórsetý.
Bıyl baıqaý rekordtyq kórsetkishti kórsetip, Qazaqstannyń túkpir-túkpirinen 2200-den astam pedagog qatysqan. Olardyń arasynan 10 úzdik ustaz iriktelip alyndy. Olardyń qatarynda elordalyq 2 ustaz bar. Olar Astana qalasyndaǵy №71 mektep-lıseıiniń matematıka páni ustazy Jýnıs Oktıabrına jáne Ekonomıkalyq lıseıdiń qazaq tili jáne ádebıeti páni ustazy Nurjan Baısakov. Úzdik 10 ustazdyń qataryna engen elordalyq 2 ustazdyń árqaısysy 1 mıllıon teńgeden aqshalaı syılyq aldy.
