Foto: Ashyq derekkóz
Úkimet el ekonomıkasynyń ornyqtylyǵyn qoldaý úshin josparly kezeńge arnalǵan respýblıkalyq bıýdjet tapshylyǵynyń bekitilgen mólsheri sheńberinde qaryz alýdy josparlap otyr. Azııa Damý Bankiniń qaryzy Qazaqstanǵa 2027 jylǵy 1 maýsymǵa deıingi jeńildikti kezeńdi qosa alǵanda, 52,3 mlrd ıen somasynda 15 jyl óteý merzimimen beriledi.
Tartylatyn qaryzǵa qyzmet kórsetýdi jáne ony óteýdi respýblıkalyq bıýdjette kózdeletin qarajat esebinen Qarjy mınıstrligi júzege asyratyn bolady.
Sondaı-aq Májilis Azııa Infraqurylymdyq Investısııalar Bankimen aradaǵy qaryz týraly kelisimdi ratıfıkasııalady. Qujatqa 2024 jyldyń 21 tamyzynda qol qoıylǵan.
Azııa Infraqurylymdyq Investısııalar Banki Qazaqstanǵa 52,7 mlrd ıen somasynda qaryz beredi. Tartylatyn qaryzǵa qyzmet kórsetýdi jáne ony óteýdi respýblıkalyq bıýdjette kózdeletin qarajat esebinen Qarjy mınıstrligi júzege asyrady.
Aıta keteıik, Azııa Damý Banki men Azııa Infraqurylymdyq Investısııalar Banki nesıeleri negizgi borysh boıynsha úsh jyldyq jeńildik kezeńimen 15 jyl merzimge beriledi. Bul respýblıkalyq bıýdjetti aıtarlyqtaı jeńildetip, qarjylyq júktemeni azaıtady. Bul sharttar Qazaqstanǵa óziniń qarjylyq mindettemelerin tıimdi josparlaýǵa jáne bıýdjet tapshylyǵyn birden boldyrmaýǵa múmkindik beredi.
