Foto: Ashyq derekkóz
Aıta keteıik, 073/ý nysanyndaǵy medısınalyq anyqtama – barlyq júrgizýshiler úshin mindetti qujat, ol kólik quralyn basqarýǵa qarsy kórsetilimderdiń joq ekenin rastaıdy.
Buryn azamattar bul anyqtamany tórt mamannan (terapevt, psıhıatr-narkolog, oftalmolog jáne otolarıngolog) medısınalyq tekseristen ótkennen keıin qaǵaz túrinde alatyn. Endi paıdalanýshylar medısınalyq tekseristen ótkennen keıin anyqtamany elektrondyq formatta alady, al sıfrlyq qujat avtomatty túrde biryńǵaı derekter qorynda saqtalady.
Kórsetiletin qyzmetti paıdalaný úshin:
- eGov.kz portalynda avtorızasııadan ótip, «Densaýlyq» - «Medısınalyq kómek» bólimine ótý;
- «№ 073/ý nysany boıynsha medısınalyq anyqtama berý» qyzmetin tańdaý;
- Qoljetimdi qol qoıý ádisteriniń birimen ótinishke qol qoıý qajet.
Kórsetiletin qyzmetti alý nátıjesinde mamandardyń qorytyndysy bar medısınalyq anyqtama PDF formatynda paıdalanýshynyń jeke kabınetinde qoljetimdi bolady. Anyqtama ony alǵan sátten bastap bir jyl boıy jaramdy.
