Foto: Ashyq derekkóz
Joǵarǵy Sottyń málimetinshe, 2005 jyldyń jeltoqsan aıynda Atyraý qalasynyń turǵyny ákimdikten jer telimin berýge kezekke turǵan. 2011 jyldyń qarashasynda ol qaıtys bolǵan. 2012 jyldyń sáýir aıynda jesir áıel ákimdikke jer ýchaskesine kezekti óz atyna qaıta rásimdeý týraly ótinishpen júgingen. Keıin ol jer komıssııasynyń qaraýyna birqatar tıisti qujattardy usyný qajettigi týraly Jer qatynastary bóliminiń (Bólim) talaptaryn tolyq oryndaǵan.
«2015 jyldyń mamyr aıynda Bólim jesir áıelge 2005 jyldyń jeltoqsan aıynan beri jer ýchaskesine kezekte turǵany týraly anyqtama bergen. Muny EGOV jáne EGKN aqparattary rastaıdy. Alaıda, 2023 jyldyń maýsym aıynda 43 jastaǵy jesir áıelge onyń kezekten shyǵarylǵany habarlanǵan. Keıin ol daýdy sotqa deıin retteý týraly ótinish bergen Bólimnen bas tartýdy alǵan. Atyraý oblysynyń MAÁS-y isti qaraı otyryp, sottyń senim quqyǵyn qorǵaý qaǵıdasyn (ÁRPK-niń 13-babynyń 1-bóligi) jáne ádilettilik qaǵıdatyn qoldanýyn atap ótti», delingen habarlamada.
Talap qoıýshy 2023 jylǵa deıin kezekte turǵan, Bólimniń barlyq talaptaryn adal oryndaǵan, al resmı aqparat kózderine sáıkes 2005-2023 jyldar aralyǵynda kezekte turǵan. Osyny eskere otyryp, sot Bólimniń kezekti qalpyna keltirýden bas tartýyn zańsyz dep tanyp, Bólimge talap qoıýshynyń kezegin qalpyna keltirýge mindettegen.
Sot sheshimine shaǵymdanbady jáne zańdy kúshine endi. Qazirgi ýaqytta oryndaý satysynda.
